40 جىلدان استام ۋاقىت ءوزىنىڭ اسەم داۋىسىمەن تىڭدارماندارىن تاڭقالدىرۋدان جالىقپايتىن روزا رىمباەۆا بۇگىن 63 جاسقا تولىپ وتىر دەپ حابارلايدى "ادىرنا" ۇلتتىق پورتالى.
روزا رىمباەۆا – قازاقستان رەسپۋبليكاسىنىڭ حالىق ءارتىسى، مەملەكەتتىك سىيلىقتىڭ يەگەرى، قىرعىزستان رەسپۋبليكاسىنىڭ ەڭبەك سىڭىرگەن ءارتىسى، وزبەكستاننىڭ ەڭبەك سىڭىرگەن ءارتىسى، كوپتەگەن حالىقارالىق بايقاۋلاردىڭ جەڭىمپازى (بارلىعىنان تەك «باس جۇلدە»، «پاراسات»، «قۇرمەت»، «تارلان»، «استانا»، «زۆەزدا سوزيدانيا» وردەندەرىنىڭ يەگەرى، ت. جۇرگەنوۆ اتىنداعى ۇلتتىق ونەر اكادەمياسىنىڭ قۇرمەتتى پروفەسسورى.
قازاق ەسترادا جۇلدىزى، قازاقتىڭ ماڭدايىنا بىتكەن ءانشى قىزىمىز روزا رىمباەۆا بۇگىن 63 جاسقا اياق باسىپ وتىر. روزا ءوز ءومىرىن ءانسىز ەلەستەتە الماسا، ءبىز ساحنانى روزاسىز ەلەستەتە المايمىز.
كەڭەس وداعىنا روزانىڭ ەسىمى "اليا" ءانىن ورىنداعان سوڭ كەڭ تارا باستايدى. سول كەزدەگى كەڭەس وداعىنىڭ جارىق جۇلدىزدارى سوفيا روتارۋ، اللا پۋگاچەۆادان كەيىنگى ءۇشىنشى ورىندى تالانتىمەن تالايدى تامساندىرعان، قازاق قىزى روزا رىمباەۆا الادى.
ءانشىنىڭ تاعدىرى اۋىر بولدى. ەڭ اۋىرى 23 جىل ومىرلىك جارى بولعان، ءارى ۇستازىنىڭ ومىردەن ءوتۋى. روزا قايسار مىنەزدىلىگى مەن تىنىمسىز ەڭبەك ەتۋىنىڭ ارقاسىندا بۇرىنعىسىنشا حالىقتىڭ اۋيالى ءانشىسى، زور ماقتانىشى.
لاۋرا تۇرسىنجان،
"ادىرنا" ۇلتتىق پورتالى
