Microsoft كورپوراتسياسىنىڭ نەگىزىن قالاۋشى بيلل گەيتس اقش-تا جاسالىپ جاتقان كەيبىر كوروناۆيرۋستىق ۆاكتسينالاردىڭ تيىمدىلىگىنە كۇمان كەلتىردى. بۇل تۋرالى ول Yahoo پورتالى ۇيىمداستىرعان ينتەرنەت-سەمينار بارىسىندا مالىمدەدى، - دەپ حابارلايدى «ادىرنا» ۇلتتىق پورتالى تاسس-قا سىلتەمە جاساپ.
گەيتس 2021 جىلدىڭ باسىندا قازىر سىناقتىڭ ءۇشىنشى كەزەڭىنەن ءوتىپ جاتقان امەريكالىق التى COVID-19 ۆاكتسيناسىنىڭ ساتتتىلىك بولسا، ەكى-ۇشەۋى عانا جارامدى بولادى دەپ بولجادى. "ەگەر قاۋىپسىزدىككە قاتىستى قانداي دا ءبىر پروبلەمالار تۋىنداسا، وندا التاۋىنىڭ ءبىر بولىگى ىسكە اسقىسىز بوپ قالادى",- دەدى ول. مۇنداي جاعداي كەيبىر ءدارى-دارمەكتەر «پايداسىز» بولعاندىقتان ورىن الۋى مۇمكىن ەكەنىن ءتۇسىندىردى. سونىمەن بىرگە گەيتس بۇل ۆاكتسينانىڭ ىقتيمالدىعى تومەن ەكەندىگىن دە اتاپ ءوتتى.
بيلل گەيتس كۇزدە امەريكا قۇراما شتاتتارىندا كوروناۆيرۋستىڭ تارالۋى ءورشىپ، ينفەكتسيا مەن ءولىم جاعدايلارى كوبىرەك بولادى، ال قىسقى اۋا رايىندا جاعداي ودان دا اۋىر بولادى دەپ بولجادى. ونىڭ پىكىرىنشە، جاعداي جازعا قاراي رەتتەلىپ، اقش ء"ولىم-ءجىتىمنىڭ ەداۋىر تومەندەۋىن" قامتاماسىز ەتۋ ءۇشىن جەتكىلىكتى مولشەردە ۆاكتسينا شىعارىپ، ال 2021 جىلدىڭ ەكىنشى جارتىسىندا ەلدىڭ كوپ بولىگىندە مەكتەپتەر ءوز جۇمىسىن قايتا باستاي الادى.
سونداي-اق، Microsoft نەگىزىن قالاۋشى حالىقتى COVID-19-عا تەستىلەۋ ادىستەرىنىڭ تيىمدىلىگىنە كۇمان كەلتىرىپ، ولاردى "اقشانى ىسىراپ ەتۋ"دەپ اتادى.
بۇعان دەيىن بيلل گەيتس كوروناۆيرۋستىق پاندەميا 2022 جىلى اياقتالىپ، جاعداي جاقسارادى دەپ مالىمدەگەن-ءدى.
بۇعان دەيىن Microsoft نەگىزىن قالاۋشى اقش-تا جۇرگىزىلگەن كوروناۆيرۋسقا قارسى شارالاردىڭ كوپ بولىگىن مۇلدەم پايداسىز دەپ اتادى. ول دەنساۋلىق ساقتاۋ ورگاندارىنا زەرتتەۋلەر تىم ۇزاق ۋاقىت جۇرگىزىلىپ جاتقانىن جانە ازاماتتاردىڭ از عانا شوعىرىنا دياگنوز جاسالاتىنىن دا ايتتى.
فوتو اشىق دەرەككوزدەن الىندى
«ادىرنا» ۇلتتىق پورتالى
