پاۆلوداردا «مەملەكەتتىك قازاق ءتىلىنىڭ مارتەبەسىن كوتەرىپ، ءار سالادا قولدانۋىن تالاپ ەتۋ جانە قازاق ءتىلدى تۇتىنۋشىلاردىڭ ديسكريميناتسياسىن توقتاتۋ» تاقىرىبىندا قالا اكىمىنىڭ رۇقساتىمەن ميتينگ وتپەك، - دەپ حابارلايدى «ادىرنا» ۇلتتىق پورتالى قوعام بەلسەندىسى رۋزا بەيسەنباي تەگىنىڭ Facebook پاراقشاسىنا سىلتەمە جاساپ.
ميتينگتى ۇيىمداستىرۋشى ءتىل جاناشىرى، قوعام بەلسەندىسى رۋزا بەيسەنباي تەگى ءوز مالىمدەمەسىندە: «وڭىردەگى جەرلەستەر، ءتىپتى كورشى قالادان كەلسەڭىزدەر دە، 1 جاق جولىن تولەۋگە دايارمىن. ويتكەنى بىرەن-ساران عانا بولساق، ءورىستىلدى مازاقستاننىڭ مازاق قالاسىندا بۇرىڭعىدان دا بەتەر قازاق تىلىندە باس كوتەرمەسىمىز انىق، - دەپ ۇندەۋ جاساپ: ءبىر «ارام» ويىم، بيلىك ءبىر قولىمەن بەرىپ، ءبىر قولىمەن الىپ جاتاتىنىن بىلەسىزدەر، سوندىقتان 60 شاقتى ءتىل ۆولونتەرلارىنىڭ (نەگىزىنەن بيلىك جاساقتاعان) ءبىر دە بىرەۋى حابارلاسپادى. سوعان قاراعاندا ولارعا بارماڭدار دەگەن دە بولۋلارى مۇمكىن عوي، ايتپەسە، ءتىلىم دەپ جۇرگەندەرگە قاي شارا بولسا دا ارتىق ەمەس شىعار؟ (تىنىس بەلگىلەرى تۇزەتىلدى – رەد.) – دەپ ولقىلىقتاردى دا قوسا ايتقان.
قوعام بەلسەندىسىنىڭ بۇل باستاماسى الەۋمەتتىك جەلىلەر ارقىلى وزگە دە ءتىل جاناشىرىنىڭ قولداۋىنا دا يە بولدى.
ميتينگ 18 قازان ساعات 11.00-14.00 ارالىعىندا پاۆلودار قالاسى كونستيتۋتسيا الاڭىندا وتەدى. ميتينگ رەگلامەنتتەن جانە جينالعان حالىق سانى 500 ادامنان اسپاۋى ءتيىس.
نازارلارىڭىزعا قازاق ءتىلىنىڭ مارتەبەسى ءۇشىن تالاي باسىن قاتەرگە تىگىپ جۇرگەن رۋزا بەيسەنباي تەگىمەن بولعان «رۋزا بەيسەنباي تەگى: قازاق ءتىلىنىڭ مارتەبەسىنىڭ تومەندىگىنە بيلىك وكىلدەرى كىنالى» سۇحباتىمىزدى ۇسىنامىز.
فوتو رۋزا بەيسەنباي تەگىنىڭ Facebook پاراقشاسىنان الىندى
«ادىرنا» ۇلتتىق پورتالى
