قىتاي پرەزيدەنتى سي تسزينپين قىتايدىڭ تەڭىز سۋلارىن قورعايتىن تەڭىز جاياۋ اسكەرلەرى سوعىسقا دايىن بولۋعا جانە ۇرىسقا قابىلەتتى بولۋعا، سونداي-اق جوعارى دايىندىقتى ساقتاۋعا نازار اۋدارۋ كەرەكتىگىن ايتقاننان كەيىن، بريتانيالىق "دەيلي ەكسرەسس" باسىلىمى امەريكا 60 اسكەري ۇشاقتى قىتاي ماڭىنا جىبەرگەنىن حابارلادى. بۇل تۋرالى «ادىرنا» ۇلتتىق پورتالى Qamshy.kz-كە سىلتەمە جاساپ حابارلايدى.
"امەريكالىق اسكەري ۇشاقتاردىڭ كەم دەگەندە 60-ى قىتايدىڭ ماڭىندا بارلاۋ رەيستەرىن جاسادى، بۇل ۆاشينگتوننىڭ بولاشاقتا وتە تارتىستى ايماقتاعى نىساندارعا قارسى قاشىقتان شابۋىلدارىن جوسپارلاۋى دەگەن ۇرەي تۋعىزدى" دەپ جازدى باسىلىم.
"وڭتۇستىك قىتاي تەڭىزىنىڭ ستراتەگيالىق احۋالىن زوندتاۋ تۋرالى باستاما" بويىنشا، اقش-تىڭ 41 اسكەري ۇشاعى داۋلى ايماق ۇستىنەن وتكەن.
"التى اسكەري ۇشاقتىڭ شىعىس قىتاي تەڭىزىنىڭ ۇستىنەن ۇشىپ بارا جاتقانى بايقالعان، تاعى 13 سوعىس ۇشاعى سارى تەڭىزدىڭ ۇستىنەن ۇشتى" دەلىنگەن دۇيسەنبىدە جاريالانعان حابارلامادا.
باياندامادا "اقش وڭتۇستىك قىتاي تەڭىزىندەگى نىساندارعا قارسى الىس قاشىقتىقتاعى شابۋىلدارعا دايىندالىپ جاتىر" دەپ بولجانعان.
حابارلامادا "اقش-قا گۋامنان (جاپونياداعى كادەنا اۆيابازاسىنىڭ ورنىنا) جانارماي تسيستەرنالارىن جىبەرۋ قالىپتى جاعداي ەمەس، ويتكەنى مۇنداي وپەراتسيالار ەكونوميكالىق شىعىنعا تولى جانە ءتيىمسىز. مۇنداي وپەراتسيالار، مۇمكىن، ەكسترەمالدى جاعدايدا الىس قاشىقتىققا جانارماي قۇيۋعا دايىندالىپ جاتقاندىقتىڭ بەلگىسى جانە بۇل ۇلكەن نازار اۋدارۋعا تۇرارلىق... بۇل وڭتۇستىك قىتاي تەڭىزى ايماعى ءالى دە اقش-تىڭ باستى نازارىندا ەكەنىن كورسەتتى" دەلىنگەن.
حابارلاماعا سايكەس، قىتاي اسكەري كۇشتەرى جاتتىعۋلار جۇرگىزىپ جاتقان كەزدە اقش ۇشاقتارى سارى تەڭىز بەن شىعىس قىتاي تەڭىزىنە ۇشقان.
"وندا رەيستەردىڭ جالپى سانى شامامەن شىلدە مەن تامىز ايلارىمەن شامالاس بولعانىمەن، ناقتى ساندار كوپ بولۋى مۇمكىن، ويتكەنى كەيبىر اسكەري ۇشاقتار ازاماتتىق ۇشاقتاردىڭ اتىن جامىلعان" دەپ جازادى لوندوندا شىعاتىن گازەت.
فوتو اشىق دەرەككوزدەن الىندى.
