كوروناۆيرۋستىڭ تۇرلەرى مەن فورمالارى COVID-19 پاندەمياسىنىڭ ەكىنشى تولقىنى جوق ەكەنىن كورسەتەدى. بۇل تۋرالى ددۇ-نىڭ توتەنشە جاعدايلار جونىندەگى ايماقتىق ديرەكتورى دوريت نيتسان مالىمدەدى دەپ حابارلايدى «ادىرنا» ۇلتتىق پورتالى.
ونىڭ ايتۋىنشا، ددۇ كۇن سايىن كوروناۆيرۋستىڭ ءتۇرى مەن سيپاتىن زەرتتەپ وتىر.
«ءبىز الەمدەگى احۋالدى كۇندەلىكتى قاراپ وتىرامىز. سونداي-اق، ۆيرۋس جۇقتىرعاندار سانى تومەندەگەن ەلدەردەگى جاعدايدى قاراستىرۋدامىز»، - دەدى ۇيىم وكىلى.
نيتسان كوپشىلىك كوروناۆيرۋستىڭ وتە قاۋىپتى اۋرۋ ەكەنىن بىلمەيتىنىن اتاپ ءوتتى.
«الەم حالقىنىڭ 5% -ى عانا كوروناۆيرۋستىڭ اۋىر فورماسىن جۇقتىردى. بىراق ولاردىڭ ومىرىنە قاۋىپ ءتونىپ تۇر»، - دەپ ءسوزىن تولىقتىردى ول.
ەستەرىڭىزگە سالا كەتەيىك، 11 ناۋرىزدا دۇنيەجۇزىلىك دەنساۋلىق ساقتاۋ ۇيىمى (ددۇ) جاڭا كوروناۆيرۋستىڭ ءورشۋىن پاندەميا دەپ باعالاعان ەدى. ستاتيستيكالىق مالىمەتتەرگە سۇيەنەتىن بولساق، الەمدە كوروناۆيرۋستىق ينفەكتسيانى 38,1 ميلليون ادام جۇقتىرىپ، 1 070 355 ناۋقاس قايتىس بولعان.
«ادىرنا» ۇلتتىق پورتالى
