الماتى قالاسىنىڭ قاج دەپارتامەنتىنە قاراستى لا 155/6 مەكەمەسىندە تاربيە جۇمىسىن نىعايتۋعا بايلانىستى، الماتى قالاسى قوعامدىق دامۋ باسقارماسىنىڭ قولداۋىمەن «ماڭگىلىك قازاقستان» قوعامدىق قورىنىڭ جەتەكشىسى نالىباەۆ بەيبىتتىڭ ۇيىمداستىرۋمەن «باس بوستاندىعىنان ايىرۋ ورىنان شىققان ادامداردى الەۋمەتتىك بەيىمدەۋگە باعىتتالعان جوبا» اياسىندا، پسيحولوگيا عىلىمدارىنىڭ كانديداتى جاننا ياۆورسكايا كامەلەت جاسقا تولماعان جازالى جاسوسپىرىمدەرمەن كەزدەسۋ وتكىزدى. پسيحولوگ جاننا ياۆورسكايا جازالى جاسوسپىرىمدەرمەن سۇحبات جۇرگىزىپ، سۋرەت سالدىرىپ، سالعان سۋرەتتەرىنىڭ ماعىنالارىن اشىپ ايتىپ بەردى.
ول ءتۇسىنۋ جانە كەشىرۋ، دەگەن تاقىرىپتا سۇحبات جۇرگىزدى. باس بوستاندىعىنان ايىرىلعان جاسوسپىرىمدەرگە بوستاندىققا شىققاننان كەيىن، الدارىنا ماقسات قويىپ قوعامدا ءوز ورىندارىن تابۋىنا جول كورسەتتى. ال قوردىڭ ديزاينەرى، ۆيدەومەيكەرى سەيدومار باتىرجان ءوزىنىڭ جاساعان موتيۆايتسيايلىق سۋرەتتەرىن سىيعا تارتتى. «ماڭگىلىك قازاقستان» قوعامدىق قورىنىڭ جوبا جەتەكشىسى بەيبىت نالىباەۆ وسىنداي جوبالار اياسىندا باس بوستاندىعىنان ايىرۋ ورىندا وتىرعان ادامداردى الەۋمەتتىك بەيىمدەۋ ماقساتىندا كوپتەگەن كومەك كورسەتىلگەنىن اتاپ ءوتتى. ءتىپتى كارانتين ۋاقىتىندا دا لا-155/6 مەكەمەسىمەن ونلاين كەزدەسۋ وتكىزىپ، زاڭگەرلىك كەڭەس جانە پسيحولوگيالىق كومەك، ءتىپتى ونەر سالاسىنداعى مايتالماندارمەن جارقىن جۇزدەسۋ ۇيىمداستىرىپ، جاسوسپىرىمدەرمەن ونلاين تۇرىندە، شەبەرلىك ساباقتارىن وتكىزىپ، بالالاردىڭ كوڭىلىنەن شىعا ءبىلدى. جوبانىڭ اياقتالۋىنا بايلانىستى وزدەرى كەلىپ، جاسوسپىرىمدەرمەن ارنايى كەزدەسۋ وتكىزدى.
جوبانىڭ ماقساتى: وتاندى سۇيۋگە، ءتىلدى، ەلدى تەرەڭ بىلۋگە باۋلي وتىرىپ، ادامگەرشىلىككە، تۋعان جەر، تۋعان ءتىلى، ءداستۇر، سالت ساناسى جايلى كوركەم سوزدەردى ايتقىزۋ ارقىلى اسەمدىك پەن ادەپتىلىككە تاربيەلەۋ جانە باس بوستاندىعىنان ايىرىلعان ادامداردى الەۋمەتتىك بەيىمدەۋگە ارنالعان دەيدى جوبا جەتەكشىسى بەيبىت نالىباەۆ. كەزدەسۋ سوڭىندا كەلگەن قوناقتارعا مەكەمەنىڭ ءسااپتجب ءبولىمىنىڭ باستىعى ادىلەت مايورى ا.بازىلباەۆا قوناقتارعا شەكسىز العىسىن ءبىلدىرىپ، بولاشاقتا دا وسىنداي كەزدەسۋلەر ءجيى بولاتىن ايتتى. جاستاردى، اسەرەسە، جاسوسپىرىمدەردى جامان ادەتتەردەن جيرەندىرۋ ارقىلى، قوعامعا پايدالى ادام رەتىندە دۇرىس تاربيە بەرۋ ارقىلى، قوعامدا ءوز ورىندارىن تابا بىلۋىنە جول كورسەتۋ باستى ماقسات دەيدى ا.بازىلباەۆا.
ە. جەڭىسحان
