كوروناۆيرۋسپەن اۋىرعاندار قاراشا مەن جەلتوقساندا قايتادان اۋىرۋى مۇمكىن - تسوي

5709
Adyrna.kz Telegram

دەنساۋلىق ساقتاۋ ءمينيسترى  الەكسەي تسوي وكق-دە كوروناۆيرۋسپەن اۋىرعاندار ونى قايتا جۇقتىرۋى مۇمكىن ەكەنىن ايتتى. سول سەبەپتى  جەلتوقساندا كوروناۆيرۋستىڭ ەكىنشى تولقىنى باستالۋى ىقتيمال.

 

"زەرتتەۋلەرگە جۇگىنسەك  كوروناۆيرۋستىڭ سيمپتومسىز تۇرىمەن اۋىرعان ادامداردىڭ اعزاسىندا انتيدەنەلەر 1 اي عانا ساقتالادى.  كوروناۆيرۋستىڭ ورتاشا نەمەسە اۋىر تۇرىمەن اۋىرعانداردا انتيدەنەلەر 3-5 اي ساقتالادى. قازاقستاندا كوروناۆيرۋس ماۋسىم-شىلدە ايلارىندا ورشىگەندىكتەن، 3-5 اي دەپ ەسەپتەگەندە، قاراشا-جەلتوقسان ايلارىندا كوروناۆيرۋسپەن اۋىرعانداردىڭ اعزاسىندا انتيدەنەلەر كۇشىن جويادى. سوندىقتان قايتادان اۋىرىپ قالۋ قاۋپى بار.

ماۋسىمدىق ينفەكتسيالاردىڭ ستراتيفيكاتسيا ىقتيمالدىعىن ازايتۋ جانە كوروناۆيرۋستىق ينفەكتسيانىڭ جاڭا تولقىنىنا بايلانىستى  15 قىركۇيەكتەن باستاپ ماقساتتى توپتارعا ۆاكتسينا ەگىلۋدە. ول ءۇشىن 2,2 ميلليون دوزا تۇماۋعا قارسى ۆاكتسينالار ساتىپ الىندى. قازىرگى ۋاقىتتا 1,8 ميلليونعا جۋىق ادامعا ۆاكتسينا ەگىلدى. ەگۋ جۇمىستارى  اپتانىڭ سوڭىندا اياقتالادى. ۆاكتسينانى رەسپۋبليكا تۇرعىندارىنىڭ 11 پايىزىنا ەكتىك. دۇنيەجۇزىلىك دەنساۋلىق ساقتاۋ ۇيىمى ۇسىنعان قامتۋدىڭ ەڭ تومەنگى شەگى - 10 پايىز،"- دەدى الەكسەي تسوي.

"ادىرنا" ۇلتتىق پورتالى

 

 

 

پىكىرلەر