الماتىدا 154 جولاۋشى وقشاۋلاندى

2061
Adyrna.kz Telegram
الماتى اۋەجايىندا تۇلعالاردىڭ تەرىس ناتيجەلى پتسر-تەستىنىڭ بار-جوعىنا قاتاڭ تەكسەرۋ جالعاسۋدا: ءبىر تاۋلىك ىشىندە 154 جولاۋشى وقشاۋلاندى.
پتر-تەستىلەرى جوق 154 جولاۋشى الماتى قوناق ۇيلەرىندە وقشاۋلانعان: اكىمدىك الدىن الا دياگنوستيكانىڭ ماڭىزدىلىعى تۋرالى ەسكە سالادى.
الماتى قالاسىنىڭ اكىمدىگى بارلىق حالىقارالىق رەيستەرمەن كەلۋشىلەرگە قالاعا كىرگەن كەزدە مىندەتتى تۇردە قازاقستاننىڭ مەملەكەتتىك شەكاراسىن كەسىپ وتكەن ساتتەن 72 ساعات ەرتە ۋاقىت ىشىندە الىنعان پتر ادىسىمەن COVID-19-عا تەستىلەۋدەن وتكەنى تۋرالى انىقتاما بولۋى قاجەت ەكەنىن ەسكە سالادى.
باس مەملەكەتتىك دارىگەردىڭ قاۋلىسىنا سايكەس، قازاقستان رەسپۋبليكاسىنىڭ ازاماتتارى بولىپ تابىلمايتىن تۇلعالار قازاقستاننىڭ مەملەكەتتىك شەكاراسىن كەسىپ وتكەن ساتتەن 72 ساعات ەرتە ۋاقىت ىشىندە الىنعان پتر ادىسىمەن COVID-19-عا تەستىلەۋدەن وتكەنى تۋرالى انىقتاما بولماعان جاعدايدا، قالاعا كىرۋلەرىنە جول بەرىلمەيدى.
شەتەلدەن انىقتاماسىز كەلگەن قر ازاماتتارى اۋەجاي اۋماعىنان پتر-تەستىلەۋدى وتكىزۋ ءۇشىن جانە ناتيجەلەردى كۇتۋ كەزەڭىندە اۋەجاي اۋماعىنان ۋاقىتشا كارانتينگە ورنالاستىرىلاتىن بولادى.
وسىعان بايلانىستى الماتىدا قالانىڭ حالىقارالىق اۋەجايىندا سانيتارلىق-ەپيدەميالىق باقىلاۋ بويىنشا كۇشەيتىلگەن شارالار قابىلداندى. اۋەجاي قىزمەتتەرى مەن ۆەدومستۆولاردىڭ فۋنكتسيونالى بويىنشا ءوزارا ءىس-قيمىل الگوريتمى ازىرلەندى جانە بەكىتىلدى: جەلىلىك پوليتسيا ءبولىمى، شەكارا قىزمەتى، سانيتارلىق-ەپيدەميالىق قىزمەت. ۇشىپ كەلۋ ايماعىندا حالىقارالىق جولاۋشىلار اۋە رەيستەرىمەن كەلەتىن بارلىق ادامداردىڭ بايلانىسسىز تەرمومەترياسى جۇرگىزىلەدى. دەنە قىزۋى جوعارى ادامدار نەمەسە اۋرۋ بەلگىلەرى بار ادامدار (جوتەل، ەنتىگۋ، تىنىس الۋدىڭ قيىنداۋى) انىقتالعان جاعدايدا جولاۋشى الماتى اۋەجايىنىڭ يزولياتورىنا نەمەسە قالانىڭ ينفەكتسيالىق ستاتسيونارلارىنا ورنالاستىرىلادى، كەيىننەن تاسىمالدانادى.
الماتى قالاسى بويىنشا تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ اقپاراتى بويىنشا، 2020 جىلعى 10 قازان ساعات 08.00-دەن 11 قازان ساعات 08.00-گە دەيىن شەتەلدەن الماتىعا رەسەيدەن، تۇركيادان، ءباا-دەن، ۇلىبريتانيادان، ەگيپەتتەن، ۋكراينادان جانە گەرمانيادان 12 اۋە رەيسى كەلدى. بارلىعى 1173 جولاۋشى. پتر-تەست انىقتامالارى جوق 154 جولاۋشى انىقتالدى، ولار COVID-19-عا زەرتحانالىق تەكسەرۋ ءۇشىن كارانتيندىك ستاتسيونارلارعا (قوناق ۇيلەردە) وقشاۋلاندى.
2020 جىلعى 06 قازان ساعات 00:00–دەن 12 قازان ( تاڭعى 08.00-گە دەيگە دەيىن)ارالىعىندا شەتەلدەن الماتى قالاسىنا 8207 جولاۋشىسى بار 66 اۋە رەيسى كەلدى. پتر ناتيجەسى بار انىقتاماسى جوق 2362 جولاۋشى وقشاۋلاندى، 9 ادام (شەتەلدىكتەر) دەپورتاتسيالاندى. زەرتحانالىق تەكسەرۋدەن 2362 ادام ءوتتى، وڭ ناتيجە الىنعان 3 ادام (انتاليا — الماتى-2, دۋباي — الماتى رەيسى) قالانىڭ ينفەكتسيالىق ستاتسيونارلارىنا اۋىستىرىلدى، رەيستەر بويىنشا بايلانىستا بولعان 40 ادام ينكۋباتسيالىق كەزەڭ ىشىندە باقىلاۋعا الىندى.
جالپى قالا بويىنشا 5 كارانتيندىك ورتالىق اشىلدى، مەديتسينالىق پەرسونال بەكىتىلدى، پتر ناتيجەسىنسىز كەلگەن ادامدارعا زەرتحانالىق تەكسەرۋ جۇرگىزۋ ءۇشىن ەكى زەرتحانانىڭ ماتەريالىن الۋ ءۇشىن توپتار ءبولىندى (ۇلتتىق ساراپتاما ورتالىعى جانە مونيتورينگتىڭ سانيتارلىق-ەپيدەميالىق ساراپتاما عىلىمي-پراكتيكالىق ورتالىعى).
الماتىعا كەلەتىن بارلىق حالىقارالىق اۋە رەيستەرى اۋەجايدا بولعان بارلىق ۋاقىت ىشىندە ماسكا كيۋ تۋرالى تالاپتى ساقتاۋعا، سونداي-اق الەۋمەتتىك قاشىقتىقتى قاتاڭ ساقتاۋعا شاقىرادى.
كۇردەلى ەپيدەميالىق جاعدايدى جانە بىرقاتار ەلدەردە كوروناۆيرۋس ينفەكتسياسىنىڭ ەكىنشى تولقىنىنىڭ باستالۋ ىقتيمالدىلىعىن ەسكەرە وتىرىپ، قالا تۇرعىندارىنا تۋريستىك ساپارلاردى كەيىنگە قالدىرۋعا جانە شەتەلگە شىقپاۋعا كەڭەس بەرىلەدى.
"ادىرنا" ۇلتتىق پورتالى
پىكىرلەر