قر پرەزيدەنتى جولداۋىندا ءتيىمدى شاعىن جانە ورتا بيزنەس – قالا مەن اۋىلدى دامىتۋدىڭ بەرىك نەگىزى ەكەنىن اتاپ وتكەن بولاتىن. بۇگىندە شىمكەنت قالاسىنداعى يندۋستريالىق-يننوۆاتسيالىق دامۋ باعدارلاماسى اياسىندا ىسكە اسقان جوبالاردىڭ ءبىرى - «بەسقۇدىق تاس» زاۋىتى.
قازىرگى تاڭدا مارجان تاستارىن وڭدەيتىن كوشباسشى، ءارى ءوزىنىڭ شيكىزات جانە وندىرىستىك بازاسى نەگىزىندە قۇرىلعان زاماناۋي كاسىپورىنداردىڭ ءبىرى. وندا دايىندالعان تراۆەرتين قۇرىلىس ماتەريالدارى شىمكەنت قالاسىنداعى كوپقاباتتى تۇرعىن ۇيلەردىڭ قاسبەتتەرىنە، ەسكەرتكىشتەر مەن مۇسىندەرگە قولدانىلۋدا.
«وڭتۇستىك» يندۋستريالدى ايماعىندا ورنالاسقان كاسىپورىن جىلىنا 100 ميلليوننان اسا تاس وڭدەيدى. بۇل جىلى ءوندىرىس كولەمىن 200 ميلليون داناعا جەتكىزۋدى جوسپارلاپ وتىر. ءونىمنىڭ 80 پروتسەنتىن ەلىمىزدىڭ ىشكى نارىعىنا، 20 پروتسەنتىن ەۋرازيالىق ەكونوميكالىق وداق ەلدەرگە وتكىزەدى.
ءوندىرىس ورنىندا 92 ادام تۇراقتى جۇمىس جاسايدى. مەكەمە باسشىلارى الداعى ۋاقىتتا جۇمىسشىلار سانىن كوبەيتىپ، وزگە قالادا دا فيليالدارىن اشۋدى كوزدەپ وتىر.
شىمكەنت قالاسى اكىمىنىڭ ءباسپاسوز قىزمەتى
