قازاقستاندىق "بالالار جاڭا تولقىنىنىڭ" قاتىسۋشىسى ارۋجان سابىكەنوۆا (ارۋجان ارداق) رەسەي شەكاراسىن كەسىپ ءوتۋ ەرەجەلەرىن بۇزعانى ءۇشىن كونكۋرسقا جىبەرىلمەدى، دەپ حابارلادى ونىڭ اناسى گۇلجان سابىكەنوۆا ءوزىنىڭ Facebook پاراقشاسىندا. ولار ماسكەۋگە ترانزيتتىك رەيسپەن كەلگەن، دەپ حابارلايدى Stan.kz اقپارات اگەنتتىگى.
"دوستار، مەن قىزىممەن ماسكەۋ اۋەجايىندامىن. ءبىز ترانزيتتىك رەيسپەن ۇشىپ كەلگەندىكتەن ءبىزدى دەپورتاتسيالاماق. وكىنىشكە قاراي، تىكەلەي رەيسپەن كەلگەندەرگە عانا ەلگە كىرۋگە بولادى. ال تىكەلەي رەيستەر اپتاسىنا ءبىر رەت ۇشادى، جانە ولارداعى بارلىق رەيستەر ادەقاشان ساتىلىپ كەتكەن. بار بيلەتتەر ءبىر ادامعا ءبىر باعىتقا 1,5 ميلليون تەڭگە", - دەپ جازدى جاس ءانشىنىڭ اناسى.
ايەل ولاردىڭ قولىندا شاقىرۋ بيلەتى جانە تەرىس ناتيجەسىلى پتر تەستىلەرى بار ەكەنىن ايتتى.
گۇلجان سابىكەنوۆا ساعات 15.00-دە (ماسكەۋ ۋاقىتى بويىنشا) ىستامبۇل ارقىلى قازاقستانعا قايتا ورالاتىنىن ايتادى.
"قازاقستان ەلشىلىگىنىڭ قىزمەتكەرلەرى بىزبەن بايلانىسقا شىعىپ، بىزگە كومەكتەسۋگە تىرىسۋدا.
كەشەدەن بەرى بۇل ماسەلەنى بايقاۋ ۇيىمداستىرۋشىلارى قولعا الدى، بىراقونىڭ شەشىلۋى ەكىتالاي. مۇندا ءبارى قاتال، ال قىزمەتكەرلەر زاڭدى بۇزعىسى كەلمەيدى. ءبىز قازاقستاندىقتارعا بيلەتتەردى تەك تىكەلەي رەيستەرگە عانا ساتىپ الۋدى ەسكەرتكىمىز كەلدى", - دەپ ءتۇسىندىردى قازاقستاندىق ايەل.
قازاقستاننىڭ رەسەيدەگى ەلشىلىگى 24 قىركۇيەكتە رەسەي ۇكىمەتىنىڭ وكىمىمەن قازاقستان ازاماتتارى مەن قازاقستاندا تۇرۋعا ىقتيارحاتى بار ازاماتتارعا رەسەيگە شەكتەۋسىز تەك اۋە پۋنكتتەرى ارقىلى جانە قازاقستاننان تىكەلەي رەيستەرمەن عانا كىرۋگە رۇقسات ەتىلەتىنى تۋرالى اقپارات تاراتتى.
رەسەيگە كەلگەندەر شەكارادا رەيستىڭ ۇشۋىنا دەيىن 72 ساعات وتپەگەن كوروناۆيرۋسقا تەرىس پتر-تەست تۋرالى انىقتامانى ۇسىنۋى كەرەك. رەسەي ازاماتتارى كەلگەننەن كەيىن 72 ساعات ىشىندە پتر تەستىن تاپسىرا الادى، ونىڭ ناتيجەلەرى مەملەكەتتىك قىزمەت ۆەب-سايتىنا جۇكتەلۋى كەرەك.
