ازەربايجان اسكەرلەرى وسىعان دەيىن ارمەنيانىڭ قاراماعىندا بولعان التى اۋىلدى ازات ەتتى. بۇل اۋىلدار ارمياندار تاراپىنان قارسى اتىلعان وقتىڭ سالدارىنان قورشاۋدا قالعان بولاتىن دەپ حابارلايدى «ادىرنا» ۇلتتىق پورتالى QHA اقپاراتتىق اگەنتتىگىنە سىلتەمە جاساپ.
ازەربايجان قورعانىس ءمينيسترىنىڭ مالىمدەۋىنشە، ازەربايجاننىڭ اسكەري كۇشى فيزۋلي مەن دجەبرايل اۋداندارىنداعى التى اۋىلدىڭ ارمەنيانىڭ قورشاۋىنان بوساتىپ الدى. ازەربايجان قورعانىس ءمينيسترىنىڭ ءباسپاسوز حاتشىسى انار ايۆازوۆ ەندىگى جەردە قاراحانبەيلى، جەرۆەند، گەرەديز، فيزۋلي ايماعىنداعى جوعارعى ابدۋراحمانلى، نيۋزار جانە دجەبرايل اۋدانىنداعى ۇلكەن كورالل اۋىلى ازەربايجان مەملەكەتىنىڭ قورعاۋىنا جانە باقىلاۋىنا وتكەنىن حابارلادى.
