مىڭداعان ستۋدەنتتەر, عالىمدار, عىلىميقوعامداستىقتاردىڭ وكىلدەرى, سونداي-اق قالاعانداردىڭبارلىعى Central Asia Nobel Fest Live فەستيۆالىندە اقىسىز قاتىسىپ, الەمنىڭ كورنەكتى عالىمدارى جانە ەكونوميكا, حيميا, فيزيكا, مەديتسينا جانە بەيبىتشىلىك نوميناتسيالارى بويىنشا نوبەل سىيلىعى لاۋرەاتتارىنىڭ ءسوز سويلەۋىن كورىپ, عىلىم مەن تەحنيكا سالالارىنىڭ وزەكتى جاڭالىقتارىن بىلە الادى. جوبانىڭ باستى ميسسياسى - عىلىمدى دامىتۋدىڭ جانە پلانەتانىڭ ەڭ جاقسى اقىل-ويىمەن تاجىريبە الماسۋدىڭ ايماقتىق پلاتفورماسىن قۇرۋ.
ونلاين-فەستيۆالدىڭ باستى تاقىرىبى - «شەكسىز عىلىم: الەم قايدا بارا جاتىر?», ال راستالعان سپيكەرلەرىنىڭ قاتارىندا 7 نوبەل سىيلىعىنىڭ, 3 Breakthrough Prize سىيلىعىنىڭ لاۋرەاتتارى, جانە وننان استام الەمدىك دەڭگەيدەگى عالىمدار بار. قاتىسۋشىلاردىڭ ءبارى ادامي كاپيتالدىڭ بولاشاعى, الەمدى وزگەرتىپ جاتقان تەحنولوگيالار, مەديتسينا مەن عىلىمنىڭ جاڭا قىرلارى, ەكونوميكا مەن تۇراقتى دامۋ سياقتى 4 نەگىزگى سالاداجۇمىس ىستەيتىن تانىمال عالىمداردىڭ قاتىسۋىمەن وتكىزىلەءتىن 30-دان استام پىكىر سايىستاردى جانە 10 جەكەاڭگىمەلەر مەن سۇحباتتاردى كورە الاتىن بولادى. سونىمەن بىرگە, عىلىمي فەستيۆالدىڭ ونلاين ەفيرى ءبىرۋاقىتتا ءۇش تىلدە: قازاق, ورىس جانە اعىلشىن تىلدەرىندە وتەتىن بولادى.
قاتىسۋ ءۇشىن وسى سايتتا: https://nobel-fest.inpolicy.net/2020 جىلدىڭ 20 قىركۇيەگىنە دەيىن تىركەلۋ كەرەك. ءىس-شاراعا الەمنىڭ 20 ەلىنەن, 92 قالاسىنان جانە 104 ۋنيۆەرسيتەتىنەن 1500-دەن استام قاتىسۋشىلار تىركەلدى.
ۇيىمداستىرۋشىلار ورتالىق ازيا مەن كاۆكازداعى بارلىق ۋنيۆەرسيتەتتەردى, بيزنەس وكىلدەرىن, حالىقارالىق ۇيىمداردى سەرىكتەستىككە شاقىرادى جانە ۇيىمنىڭۆيرتۋالدى كورسەتىلىمى, برەندينگ, جوبالاردى ارنايى سەسسيالاردا العا جىلجىتۋ, سپيكەرلەر رەتىندە سويلەۋ, سونداي-اق كوپتەگەن باسقا ارتىقشىلىقتارعا قول جەتكىزۋ مۇمكىندىكتەرىن ۇسىنۋعا دايىن.
اتالعان بەيكوممەرتسيالىق جوبا قازاقستانرەسپۋبليكاسىنىڭ ءبىلىم جانە عىلىم مينيسترلىگى, قازاقستان رەسپۋبليكاسى اقپارات جانە قوعامدىق دامۋمينيسترلىگى, احقو-نىڭ ۇزدىكسىز كاسىبي دامۋ بيۋروسى, حالىقارالىق عىلىمي-تەحنيكالىق ورتالىق, Forbes Kazakhstan جانە باسقا دا ۇيىمداردىڭ قولداۋىنا يەبولدى.
ينستاگرامداعى سوڭعى جاڭالىقتار مەن جاڭارتۋلاردىجىبەرىپ الماڭىز: https://www.instagram.com/nobel_fest/
بايلاناساتىن تۇلعا:
جادىرا التىنباەۆا
حالىقارالىق جوبالار ۇيلەستىرۋشىسى
ينكليۋزيۆتى دامۋ قورى
