ادامداردىڭ قارىزدارىن زاڭسىز وندىرگەن

2154
Adyrna.kz Telegram
An angry young businesman is on the phone and screaming
An angry young businesman is on the phone and screaming

باس پروكۋراتۋرا جەكە سوت ورىنداۋشىلارى مەن كوللەكتورلاردىڭ قىزمەتىنە تەكسەرۋ جۇرگىزدى. ونىڭ ناتيجەلەرى تۋرالى باس پروكۋروردىڭ اعا كومەكشىسى قايرات رايسوۆ ايتىپ بەردى دەپ حابارلايدى «ادىرنا» ۇلتتىق پورتالى Baq.kz سايتىنا سىلتەمە جاساپ.

تەكسەرۋلەرگە جەكە سوت ورىنداۋشىلار مەن كوللەكتورلاردىڭ اتىنا كەلگەن شاعىمدار نەگىز بولدى. ادامدار كوللەكتورلاردىڭ ادەپسىز ارەكەتتەرى، ولاردىڭ قورقىتۋى تۋرالى جانە وسىنداي قورقىتۋلاردىڭ شىنىمەن ورىندالىپ جاتقانى تۋرالى جازدى. ياعني، كوللەكتور شوتتار مەن مۇلىكتەرگە تىيىم سالۋدى جۇزەگە اسىرعان. وكىلەتتى ورگاندار شارا قابىلداعان جوق. سوندىقتان ءبىز ماسەلەنى ءوزىمىز تالداپ، تەكسەرۋ جۇرگىزۋدى شەشتىك. جەكەلەنگەن كوللەكتورلار مەن جەكە سوت ورىنداۋشىلار قارىزداردى زاڭسىز ءوندىرۋ سحەماسىن جاساعان، - دەدى ول.

رايسوۆتىڭ ايتۋىنشا، كوللەكتورلار بازانى جەكە سوت ورىنداۋشىلاردىڭ لوگينى مەن ءپارولىن الىپ قولدانعان.

IP ادرەستەردەن، ياعني كوللەكتورلىق اگەنتتىك ينتەرنەت نۇكتەلەرىنەن جۇيەگە 210 رەت كىرگەن. ينتەرنەت سيگنالدار الماتىدا 35 كوللەكتورلىق اگەنتتىك جۇمىس ىستەيتىن عيماراتتان شىققان، وندا 500 ادام بار. جەكەلەنگەن وڭىرلەردە كوللەكتورلار جەكە سوت ورىنداۋشىلاردىڭ قاۋلىلارىن پروكۋرورعا سانكتسيا بەرۋ ءۇشىن جىبەرىپ وتىرعان. زاڭسىز قىزمەتىن جاسىرۋ ءۇشىن جەكە سوت ورىنداۋشىلار مەن كوللەكتورلار اراسىندا كەلىسىمشارت ورناتىلعان. شارتتار بويىنشا كوللەكتورلار بازاعا كىرۋ جانە اتقارۋشىلىق ارەكەتتەر جاساۋ بويىنشا 10-عا جۋىق قىزمەت كورسەتىلگەن، - دەدى ول.

ونىڭ ايتۋىنشا، ادىلەت مينيسترلىگىنە زاڭ بۇزۋشىلىقتاردى جويۋ بويىنشا ۇسىنىس جاسالعان.

قاراۋ ناتيجەلەرى بويىنشا 18 جەكە سوت ورىنداۋشى رەسپۋبليكالىق پالاتادان شىعارىلدى. پالاتادان شىعارۋ ليتسەنزيالاردى توقتاتۋ ءۇشىن ءسوزسىز نەگىز بولىپ تابىلادى. سوندىقتان ادىلەت مينيسترلىگى جەكە سوت ورىنداۋشىلاردىڭ ليتسەنزيالارىن توقتاتۋ بويىنشا ارىزداردى بەرە باستادى. باس پروكۋراتۋرا قارجى نارىعى رەتتەۋ  اگەنتتىگىنە كوللەكتورلاردىڭ بۇزۋشىلىقتارى تۋرالى حات جولدادى. اگەنتتىك پەن ادىلەت ءمينيسترى كوللەكتور قىزمەتىنە تەكسەرۋ جۇرگىزەدى، - دەدى رايسوۆ.

پىكىرلەر