قازاقستاندا ءبىر تاۋلىك ىشىندە 307 ادام پنەۆمونياعا شالدىقتى، ولاردان كوروناۆيرۋس ينفەكتسياسى انىقتالماعان.
قازاقستاندا وتكەن تاۋلىكتە، 11 قىركۇيەكتە كوروناۆيرۋس پنەۆمونياسىنا شالدىققان 307 جاڭا ناۋقاس انىقتالدى، ەكى ادام قايتىس بولدى، دەپ حابارلادى COVID-19 ىندەتىن تاراتپاۋ جونىندەگى ۆەدومستۆوارالىق كوميسسيا.
سونداي-اق، ءبىر تاۋلىكتە پنەۆمونيامەن اۋىرعان 145 ادام ساۋىعىپ شىقتى، ولاردان كوروناۆيرۋس تابىلمادى.
قازاقستاندا بارلىعى 29 235 ادام كوروناۆيرۋس پنەۆمونياسىمەن اۋىرىپ، ولاردىڭ 320-سى قايتىس بولدى.
ەسكە سالا كەتەيىك، قازاقستاندا كوۆيد ءتارىزدى پنەۆمونيامەن اۋىرعاندار ستاتيستيكاعا تەك 2020 جىلدىڭ 1 تامىزىنان باستاپ ەنگىزىلدى. دەنساۋلىق ساقتاۋ مينيسترلىگى وسى ۋاقىتقا دەيىن پنەۆمونياعا شالدىققان ناۋقاستار تۋرالى مالىمەتتەردى قايتا ەسەپتەمەيدى.
11 قىركۇيەكتە الىنعان مالىمەتتەر
قازاقستاندا 11 قىركۇيەكتە 68 ادام كوروناۆيرۋس جۇقتىرىپ، بەس ادام كوز جۇمعانى بەلگىلى بولدى.
دەنساۋلىق ساقتاۋ مينيسترلىگىنىڭ مالىمەتىنشە، قازىرگى ۋاقىتتا 4 550 ادام، ونىڭ ىشىندە 32 بالا كوروناۆيرۋس ينفەكتسياسىنان ەمدەلىپ جاتىر.
130 ادامنىڭ جاعدايى اۋىر، 26-سى جاساندى تىنىس الدىرۋ اپپاراتىنا قوسىلعان.
Sputniknews.kz
