اقش ساۋدا پالاتاسى قازاقستان-امەريكا ىسكەرلىك كەڭەسىنىڭ ىسكە قوسىلعانىن رەسمي تۇردە جاريالادى. بۇل تۋرالى 2 قىركۇيەكتە قازاقستاننىڭ سىرتقى ىستەر مينيسترلىگى مالىمدەدى دەپ حابارلايدى، «ادىرنا» ۇلتتىق پورتالى.
Cىرتقى ىستەر مينيسترلىگىنىڭ حابارلاۋىنشا، كەڭەس توراعاسىنىڭ مىندەتىن قازاقستان ەكونوميكاسىنا ءىرى ينۆەستور رەتىندە بەلگىلى «شەۆرون» كومپانياسى اتقارادى. اعا ۆيتسە-پرەزيدەنت حۋش چوكسيدىڭ باسشىلىعىمەن كەڭەس حاتشىلىعى اقش ساۋدا پالاتاسىنىڭ بەيىندى اۋماقتىق دەپارتامەنتىندە ورنالاساتىن بولادى.
جاڭا ۇيىم اقش ساۋدا پالاتاسىنىڭ كەڭەيتىلگەن پلاتفورماسى ارقىلى ەكى ەل اراسىنداعى ەكونوميكالىق بايلانىستاردى ودان ءارى كەڭەيتۋ جانە تەرەڭدەتۋ ماقساتىندا قۇرىلعانىن اتاپ ءوتتى.
بۇعان دەيىن اقش مەملەكەتتىك دەپارتامەنتى قازاقستاندا "امەريكاندىق بۇرىشتار" جەلىسىن – مادەني جانە ءبىلىم بەرۋ ورتالىقتارىن كەڭەيتۋدى قارجىلاندىرۋ تۋرالى شەشىم قابىلداعان بولاتىن. باستامانى ىسكە اسىرۋ ءۇشىن مەكەمە 2,5-50 مىڭ دوللارعا دەيىنگى كولەمدە 30 گرانت بولۋگە نيەتتى. گرانت الۋشىلار امەريكالىق تاراپ ۇسىنعان مەديا-ساۋاتتىلىق، مادەني مۇرا، ەكونوميكا جانە كاسىپكەرلىك، يننوۆاتسيا جانە كليمات سياقتى تاقىرىپتار بويىنشا ءبىلىم بەرۋ باعدارلامالارىن ازىرلەۋگە قاتىسادى.
«ادىرنا» ۇلتتىق پورتالى
