الماتىدا ءدارى-دارمەك ساتىپ الۋعا 10 ميلليارد تەڭگە ءبولىندى

2121
Adyrna.kz Telegram

الماتىدا ءدارىحانالار مەن ەمحانالاردا ءدارى-دارمەكتەر مەن جەكە قورعانىس قۇرالدارىن دايىنداۋ ءۇشىن 10 ميلليارد تەڭگە ءبولىندى. بۇل تۋرالى ونلاين-بريفينگ بارىسىندا قالالىق اكىمدىكتىڭ ءدارى-دارمەكپەن قامتاماسىز ەتۋ جونىندەگى ۇيلەستىرۋشىسى زاڭعار سالىمباەۆ ايتتى، - دەپ حابارلايدى "ادىرنا" ءتىلشىسى Tengrinews.kz-كە سىلتەمە جاساپ.

"كوروناۆيرۋستىڭ ەكىنشى تولقىنى بولۋى مۇمكىن ەكەنىن ەسكەرە وتىرىپ،  سونداي-اق كۇزگى-قىسقى اۋرۋلاردى ەسكەرە وتىرىپ، ءبىز تۇراقتاندىرۋ قورىن قۇردىق، وعان 10 ميلليارد تەڭگە ءبولىندى.

بەس ميلليارد تەڭگە نارىقتى تۇراقتاندىرۋعا جانە الماتى قالاسىنىڭ ءدارىحانالارىنا بولىنەدى. تاعى بەس ميلليارد تەڭگە - بۇل ستاتسيونارلار مەن ەمحانالار ءۇشىن ءدارى-دارمەكتەر مەن جەكە قورعانىس قۇرالدارىن جەتكىزۋ ءۇشىن قۇرىلعان رەزەرۆتىك قور. دارىحانالارعا ارنالعان دارىلەردىڭ جالپى كولەمى - كەمىندە 40 ميلليون قاپتاما، 26,8 ميلليون قازىردىڭ وزىندە جەتكىزىلگەن", - دەدى سالىمباەۆ.

الماتى كاسىپكەرلىك جانە ينۆەستيتسيالار باسقارماسى باسشىسىنىڭ ورىنباسارى قارلىعاش ءابدىجابباروۆا قازىر قالادا ءدارى-دارمەك تاپشىلىعى جوق ەكەنىن ايتتى.

"ادىرنا" ۇلتتىق پورتالى

پىكىرلەر