بۇگىن، تۇنگى بىردە الماتىلىق تۇرعىن ارىقتان بالانى تاپتى، – دەپ حابارلايدى "ادىرنا" ءتىلشىسى Polisia.kz-كە سىلتەمە جاساپ.
جاڭا تۋىلعان نارەستەنى المالى اۋدانىنداعى رايىمبەك داڭعىلى بويىنداعى ارىقتا دارمەنسىز كۇيدە قالدىرىپ كەتكەن. كۋاگەر وقيعا ورنىنا دەرەۋ جەدەل جاردەم مەن پوليتسيا قىزمەتكەرلەرىن شاقىردى. بالا دەنساۋلىعى مەن كۇتىمىن باقىلاۋ ءۇشىن اۋرۋحاناعا جەتكىزىلدى.
قازىر المالى اۋداندىق پب جانىنداعى پوليتسيا ءبولىمى بالانىڭ بيولوگيالىق اناسىنىڭ ورنالاسقان جەرىن انىقتاۋ جانە پوليتسياعا تاپسىرۋ ءۇشىن جەدەل-ىزدەستىرۋ شارالارىن جۇرگىزۋدە.
الماتى پوليتسياسى قامقور ازاماتتاردى نارەستەنىڭ بيولوگيالىق اناسى تۋرالى كەز-كەلگەن اقپارات بولعان جاعدايدا بۇل تۋرالى پوليتسياعا دەرەۋ حابارلاۋعا شاقىرادى.
"ادىرنا" ۇلتتىق پورتالى
