شىمكەنت: ءال-فارابي اۋدانىنداعى 6 كوشەگە اياقجول سالىندى

1844
Adyrna.kz Telegram

بۇل جونىندە بۇگىن ءال-فارابي اۋدانىنىڭ اكىمى عابيت ماۋلەنقۇلوۆ اقپاراتتىق-كوممۋنيكاتسيالىق ورتالىقتا وتكەن بريفينگتە باياندادى.

«اعىمداعى جىلى 6 كوشەگە جالپى ۇزىندىعى 2850 مەتر اياقجول توسەلگەن. قازىرگى تاڭدا كوپقاباتتى تۇرعىن ءۇي اۋلالارىنا جانە ىشكى ورامدىق جولداردىڭ بويىنا اياقجولدار ورناتۋ ءۇشىن زەردەلەۋ جۇمىستارى جۇرگىزىلدى. ناتيجەسىندە 48 كوشەنىڭ بويىنا 30 شاقىرىم اياقجول سالۋ قاجەتتىلىگى انىقتالىپ، ءتيىستى باسقارماعا ۇسىنىس جولدادىق»، - دەدى اۋدان اكىمى.

سونىمەن قاتار، بيىل اۋدانداعى 47 كوشەگە اعىمداعى جوندەۋ جانە 5 كوشەگە قايتا قۇرۋ جۇمىستارى جۇرگىزىلىپ جاتقانىن ايتتى.

ايتا كەتەيىك، اۋدان بويىنشا 404 كوشەنىڭ جالپى ۇزىندىعى 282 شاقىرىم. ونىڭ 215 شاقىرىمى اسفالت جابىنىمەن قامتاماسىز ەتىلگەن، 55 شاقىرىمى تاس جول، قالعان 12 شاقىرىم توپىراق جولعا شاعال تاس توسەۋ جۇمىستارى جۇرگىزىلگەن. سونداي-اق، 72 كوشەدە ۇزىندىعى 142 شاقىرىمدى قۇرايتىن اياقجول توسەلگەن. ونىڭ ىشىندە، 3 شاقىرىم اياقجول قالپىنا كەلتىرۋدى جانە 15 شاقىرىم اياقجول سالۋدى قاجەت ەتەدى.

 

شىمكەنت قالاسى اكىمىنىڭ ءباسپاسوز قىزمەتى

 

پىكىرلەر