شىمكەنتتە جول جوندەۋ جۇمىستارى كەستەگە ساي اتقارىلۋدا. جۇمىستىڭ ساپالى ورىندالۋى باستى تالاپ. بۇگىندە بىرقاتار كوشەلەردە قۇرىلىس جۇمىستارى اياقتالۋعا تاياۋ. سولاردىڭ نەگىزگىلەرىن ايتا كەتسەك.
– ەڭبەكشى اۋدانى تولە بي كوشەسىندە «الەم ترانس جول» جشس تاراپىنان ورتاشا جوندەۋ جۇمىستارى جۇرگىزىلۋدە. ورتاشا جوندەۋ جۇمىستارىندا جولدىڭ بەتكى قاباتىن جاڭارتۋ، جارامسىز يرريگاتسيالىق لوتوكتاردى الماستىرۋ قارالعان. كوشەنىڭ ۇزىندىعى 2,6 شاقىرىم، ەندى 2ح7 مەتر. بۇگىنگى تاڭدا، جولدىڭ بەتكى اسفالت قاباتىن جاڭارتۋ جۇمىستارى ىستەلىنۋدە. نىساندى بيىل قىركۇيەك ايىندا پايدالانۋعا بەرۋ جوسپارلانۋدا.
– ءال-فارابي اۋدانى تۇركىستان كوشەسىدەگى ء(ال-فارابي الاڭىنان ادىربەكوۆ كوشەسىنە دەيىن) ورتاشا جوندەۋ جۇمىستارىندا جولدىڭ بەتكى قاباتىن جاڭارتۋ، يرريگاتسيالىق لوتاكتاردى الماستىرۋ، جاياۋ جۇرگىنشىلەر جولى مەن ۆەلوسيپەدشىلەرگە ارنالعان جول سالۋ قارالعان. جوندەۋ جۇمىستارى جۇرگىزىلىپ جاتقان كوشە بولىگىنىڭ ۇزىندىعى 1,9 شاقىرىم، ەنى 13 مەتر. قازىرگى تاڭدا جولدىڭ بەتكى قاباتىن اسفالتتاۋ جۇمىستارى اتقارىلۋدا نىساندى قازان ايىندا پايدالانۋعا بەرۋ جوسپاردا.
– ەڭبەكشى اۋدانى جىبەك جولى كوشەسىندەگى (رىسقۇلوۆ كوشەسىنەن ايماۋىتوۆ كوشەسىنە دەيىن) ورتاشا جوندەۋ جۇمىستارىن جۇرگىزۋ «سادي ستروي» جشس-ىنە جۇكتەلگەن. كوشەنىڭ ۇزىندىعى 1,2 شاقىرىم، ەنى 2 ح11 مەتر. بۇگىنگى تاڭدا جولدىڭ بەتكى قاباتىن اسفالتتاۋ جۇمىستارى جۇرگىزىلۋدە.
– سامال-3 شاعىناۋدانىنداعى ابدرامانوۆ كوشەسىن ورتاشا جوندەۋ جۇمىستارى «سيقىم ولجاس» جشس-گى تاراپىنان جۇرگىزىلدى. كوشەنىڭ ۇزىندىعى 1,5 شاقىرىم، ەنى 5 مەتر. جول قۇرىلىس جۇمىستارى تولىعىمەن اياقتالىپ، پايدالانۋعا بەرىلدى.
– تاسكەن تۇرعىن الابى، ابىلايحان، تۇگەيبولات كوشەلەرىندە ورتاشا جوندەۋ جۇمىستارى جۇرگىزىلۋدە. سونىمەن قاتار، №115 مەكتەپكە باراتىن اتاۋى جوق كوشەگە جاياۋ جۇرگىنشىلەر جولىن ورناتۋ جۇمىستارى اتقارىلۋدا.
شىمكەنت
