بۇگىن شىمكەنت قالاسى اكىمىنىڭ ورىنباسارى ا.ساتتىباەۆ، شىمكەنت قالاسى كاسىپكەرلەر پالاتاسىنىڭ ديرەكتورى ن.قابىشتاەۆ جانە باق وكىلدەرىنەن قۇرالعان مونيتورينگتىك توپ قالاداعى "سامال", "اينا" بازارى مەن "مەگا پلانەت", "تسۋم", "شىمكەنت پلازا" ساۋدا ورتالىقتارىن ارالاپ، سانيتارلىق-ەپيدەميولوگيالىق تالاپتارىنىڭ ساپاسىنا تەكسەرۋ جۇمىستارىن جۇرگىزدى.
- مەملەكەتتىك كوميسسيا وتىرىسىندا 17 تامىزدان باستاپ ەلىمىزدىڭ بارلىق وڭىرىندە شەكتەۋ شارالارىن كەزەڭ-كەزەڭىمەن جەڭىلدەتۋ بويىنشا شەشىم قابىلدانعانى بəرىمىزگە بەلگىلى. وسى ورايدا ءبىز رۇقسات ەتىلگەن نىساندارعا مونيتورينگ جۇرگىزۋدەمىز. ياعني، بۇل كəسىپكەرلىك سۋبەكتىلەر "InfoKazakhstan" پلاتفورماسى ارقىلى تىركەلۋدەن ءوتۋى كەرەك. ەگەر سانيتارلىق نورمالارعا ساي كەلسە، ەرتەڭنەن باستاپ ءوز جۇمىستارىنا كىرىسەدى، - دەدى قالا əكىمىنىڭ ورىنباسارى.
ال كəسىپكەرلەر پالاتاسىنىڭ ديرەكتورى نۇرلان ورىنباسارۇلى كəسىپكەرلىك نىسان يەلەرى ارنايى پلاتفورمانىڭ رۇقساتى تۋرالى مىندەتتەمەسىن الماسا، بيزنەسىن باستاۋعا مۇمكىندىك جوق ەكەنىن جەتكىزدى. ال تەكسەرۋ جۇمىستارى بارىسىندا دەزينفەكتسيالىق شارالار دۇرىس جۇرگىزىلمەگەن نىساندارعا بىرقاتار ەسكەرتۋ بەرىلدى.
ايتا كەتەيىك، "InfoKazakhstan" پلاتفورماسىنا تىركەلۋ بويىنشا سۇراقتاردى 1432 بىرىڭعاي بايلانىس-ورتالىعىنا قوڭىراۋ شالىپ (تەگىن), بىلۋگە بولادى.
شىمكەنت اقپاراتتىق-كوممۋنيكاتسيالىق ورتالىعى
