قازاقستاندا ناۋرىز ايىنان بەرى كوروناۆيرۋستان 1058 ادام قايتىس بولعان. دەنساۋلىق ساقتاۋ ءمينيسترى الەكسەي تسويعا سىلتەمە جاساعان "ازاتتىق رۋحى" وسىنداي مالىمەت تاراتتى.
«قازاقستاندا قيىن كەزەڭ ارتتا قالدى دەپ ايتساق ارتىق بولماس. قازىرگى ەلدەگى ەپيدەميولوگيالىق جاعداي تۇراقتالىپ كەلەدى. ناۋرىز ايىنان بەرى 92 262 ادامنان كوروناۆيرۋس بەلگىلەرى انىقتالىپ، ولاردىڭ 67%-ى دەرتىنەن ايىعىپ شىقتى. قازىر 30 مىڭعا جۋىق ادام ەمدەلۋدە. وكىنىشكە قاراي، 1058 ادام قايتىس بولدى. كوروناۆيرۋس جۇقتىرعاندار سانى كۇن ساناپ ازايىپ كەلەدى. اۋرۋحانالاردا ءدارى-دارمەك تە جەتكىلىكتى»، - دەپتى الەكسەي تسوي وكق بريفينگىندە.
ال coronavirus2020.kz ورتالىعىنىڭ رەسمي ستاتيستيكاسىندا 793 ادامنىڭ قايتىس بولعاندىعى جازىلىپ تۇر. بىزگە ءمينيستردىڭ 265 ادامدى قايدان العانى تۇسىنىكسىز بولىپ وتىر.
ايتپاقشى، قارجى جىمقىردى دەگەن ايىپپەن تەرگەۋگە الىنىپ جاتقان ولجاس ءابىشوۆ ءوز ەركىمەن قىزمەتتەن كەتۋ تۋرالى ءوتىنىش جازىپ كەتىپتى.
ولجاس ابىشەۆ ءوز ەركىمەن قىزمەتتەن كەتۋ تۋرالى ءوتىنىشتى الدىڭعى اپتادا جازعان. سوندىقتان بۇل ماسەلە قازىر قاراستىرىلىپ جاتقان جوق. ەگەر شەشىم شىقسا، ول قىزمەتىنەن بوساتىلادى", - دەدى تسوي مىرزا.
"ادىرنا" ۇلتتىق پورتالى
