بايقاۋدىڭ ماقساتى – ءال-فارابي مەن ابايدىڭ مۇراگەرلىك ساباقتاستىعىن بايلانىستىرا وتىرىپ، شىعارماشىلىق ادامداردىڭ شابىتىن شارىقتاتۋ، عۇلاما ويشىلدىڭ ءومىرى مەن عىلىمعا اكەلگەن ۇلكەن ۇلەسىن ناسيحاتتاۋ.
بايقاۋدىڭ مىندەتتەرى:
- جاستاردىڭ ىزدەنىسىن ارتىرۋ;
- ءال-فارابي مەن اباي فيلوسوفياسىن وسكەلەن ۇرپاققا ۇعىندىرۋ;
- شىعارماشىلىققا جاقىن جاندارعا موتيۆاتسيا بەرۋ;
- اباي مەن ءال-ءفارابيدىڭ مەرەيتويىن جازۋعا قابىلەتى بار ادامدار ارقىلى ناسيحاتتاۋ;
- اۋىلدارداعى (شالعاي ەلدى-مەكەندەردە) شىعارماشىلىققا قابىلەتى بار نازاردان تىس قالعان شىعارماشىلىققا بەيىم جانداردى باق ارقىلى ناسيحاتتاۋ.
بايقاۋدىڭ قاتىسۋشىلارى: جامبىل وبلىسىنىڭ جانە تاراز قالاسىنىڭ 14-35 جاسارالىعىنداعى تۇرعىندارى بولۋ كەرەك.
بايقاۋ شارتتارى: ءار شىعارماشىلىق جۇمىس abai-Farabi@bk.ru ەلەكتروندى پوچتاسىنا الدىن-الا جىبەرىلىپ، ساراپتان وتكىزىلەدى.
ەسسە تاقىرىبى ابايدىڭ 175 جىلدىعى جانە ءابۋ ناسىر ءال-ءفارابيدىڭ 1150 جىلدىعىنا سايكەس كەلۋى شارت.
ەسكەرتۋ: ەسسەگە قاتىسۋشى مازمۇن كوركەمدىگىنە قاراي قالاعان تاقىرىبىن قويا الادى.
ەسسە Microsoft Word تۇرىندە قابىلدانادى. شىعارما كولەمى 14 شريفتپەن، 1,0 ينتەرۆالمەن، 10 بەتتەن اسپاۋ كەرەك.
1 قاتىسۋشى ءبىر عانا ەسسە جولداي الادى. ەگەر بايقاۋعا قاتىسۋشى 2 ەسسە جولداعان جاعدايدا ەسسەنىڭ مازمۇن تەرەڭدىگىنە، ءتىل كوركەمدىگىنە قاراي ۇزدىك دەپ تانىلعانى بايقاۋعا قابىلدانادى. ماتەريالدار تەك قازاق تىلىندە بولۋى ءتيىس.
قاتىسۋشىلار ەسسە بايقاۋىنا وزدەرىنىڭ تولىق اتى-ءجونىن، تەلەفون نومەرىن، مەكەن-جايىن جانە وزدەرى تۋرالى قىسقاشا مالىمەتتى قوسىپ جازىپ، abai-Farabi@bk.ru ەلەكتروندى پوشتاسىنا جىبەرۋ كەرەك.
بايقاۋ تالاپتارى: بايقاۋعا ەسسە جۇمىستارىن قابىلداۋ 2020 جىلدىڭ 25 شىلدەسى كۇنى نۇر-سۇلتان ۋاقىتى بويىنشا ساعات 09.00-دە باستالىپ، 2020 جىلدىڭ 9 تامىزىندا ساعات 23:59-دا اياقتالادى.
قازاقستاننىڭ ەگەمەندىگىنە، بىرتۇتاستىعىنا، بىرلىگىنە نۇقسان كەلتىرەتىن ماتەريالدار بايقاۋعا قابىلدانبايدى.
بايقاۋ بارىسى:
بارلىق شىعارماشىلىق جۇمىستار «ادىرنا» ۇلتتىق پورتالىنىڭ (www.adyrna.kz ) «Abai-175» جانە «Al-Farabi-1150» ايدارلارىنا جاريالانادى.
جەڭىمپازداردى قر تانىمال جازۋشىلارى مەن جۋرناليستەردەن جاساقتالعان قازىلار القاسى انىقتايدى.
جەڭىمپازدار قۇندى سىيلىقتارمەن، ارنايى ازىرلەنگەن اباي مەن ءال-ءفارابيدىڭ مۇسىنشەلەرىمەن، ديپلومدار، رامكالار، گۇل شوقتارىمەن ماراپاتتالادى.
جەڭىمپازدار تاراز قالاسىندا وتەتىن قورىتىندى شىعارماشىلىق فەستيۆالدە ماراپاتتالادى.
بايقاۋعا قاتىسۋ ءۇشىن ۇسىنىلعان جۇمىستار:
كوركەم تىلدىلىگىنە;
ساۋاتتىلىعىنا;
عىلىميلىعىنا;
وبەكتيۆتىلىگىنە;
كرەاتيۆتىلىگىنە;
مازمۇنىنا;
كوركەمدىگىنە;
ساپاسىنا;
وزەكتىلىگىنە جانە ت.ب. قاراي باعالانادى.
ۇيىمداستىرۋشىلار:
"جامبىل وبلىسى اكىمدىگىنىڭ ىشكى ساياسات باسقارماسى" كوممۋنالدىق مەملەكەتتىك مەكەمەسىنىڭ جوباسى اياسىندا «ادىرنا» ۇلتتىق-ەتنوگرافيالىق بىرلەستىگى» قوعامدىق قورى.
تولىق اقپاراتتى +7 747 933 91 09 ءنومىرى ارقىلى بىلە الاسىزدار. (سۇراقتارىڭىزعا دۇيسەنبى-جۇما كۇندەرى ارالىعىندا ساعات 09.00-18.00 اراسىندا عانا جاۋاپ بەرە الادى).
"ادىرنا" ۇلتتىق پورتالى
