قازاقستان وڭىرلەرىندە وبلىستىق جانە اۋداندىق ماڭىزى بار اۆتوموبيل جولدارىن جاڭعىرتۋ جۇمىستارى جالعاسۋدا دەپ حابارلايدى «ادىرنا» ۇلتتىق پورتالى قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ مينيسترلىگىنە سىلتەمە جاساپ.
اقتوبە وبلىسىندا وسى جىلدىڭ سوڭىنا دەيىن جولشىلار جولداردىڭ 606 شاقىرىمىن جاڭارتپاق.
ناقتىراق ايتقاندا، بيىل مۇندا اۆتوموبيل جولدارى سالاسىندا 41 جوبا جۇزەگە اسىرىلۋدا. ولاردىڭ ەكەۋى - جولداردى سالۋ، ۇشەۋى - جولداردى قايتا جاڭارتۋ، تورتەۋى - جولداردى كۇردەلى جوندەۋ، 33-ءى - جولداردى ورتاشا جوندەۋ جوبالارى.
ايتا كەتۋ كەرەك، اقتوبە وبلىسىندا جاقسى جانە قاناعاتتاندىرارلىق جاعدايداعى جەرگىلىكتى جولداردىڭ ۇلەسى 56,5 % قۇرايدى. جىل سوڭىندا اتالمىش كورسەتكىش 59% دەيىن ۇلعايتىلىپ، جاقسى جانە قاناعاتتاندىرارلىق جاعدايداعى جەرگىلىكتى اۆتوموبيل جولدارىنىڭ ۇزىندىعى 2,9 مىڭ شاقىرىمدى قۇرايتىن بولادى.
ەسكە سالايىق، وڭىردەگى جەرگىلىكتى جولداردىڭ جالپى ۇزىندىعى 4,9 مىڭ شاقىرىمدى قۇرايدى. ولاردىڭ 1,2 شاقىرىمى - وبلىستىق، 3,7 شاقىرىمى - اۋداندىق جولدار.
بۇدان بولەك، ايماقتا رەسپۋبليكالىق ماڭىزى بار جولداردى سالۋ، قايتا جاڭارتۋ، جوندەۋ جوبالارى جۇزەگە اسىرىلۋدا.
ءتيىستى جۇمىستارمەن جولداردىڭ 296 شاقىرىمى قامتىلاتىن بولادى.
“ادىرنا” ۇلتتىق پورتالى
