اتىراۋ قالاسىنىڭ تۇرعىنى، ەرىكتى ارمان راحمەت فەيسبۋك جازباسىندا اۋرۋحانادا ەرىكتى بوپ وتكىزگەن ءبىر كۇنىن جازدى. ول ءدارىحانالاردا ۇيىمداستىرۋشىلىق قىزمەتىنىڭ سىن كوتەرمەيتىنىن ايتادى.
12 ساعاتتىق تۇنگى سمەننەن شىقتىم.
مۇنايلى استانانىڭ وبلىستىق اۋرۋحاناسىنىڭ قالاي جۇمىس جاسايتىنىن ايتايىن با؟
جۇمىس ۇيىمداستىرۋ دەڭگەيى – ءنول!
نەگە بالەن ايدان بەرى جەتكىلىكتى تۇردە يۆل اپپاراتتارىن الىپ قويمادىڭدار، كوۆيد شىققاننان بەرى 7 اي ءوتتى ەمەس پە؟
جاقسى، يۆل جوق ەكەنىن بىلەسىڭدەر، دەمەك كيسلورود بالوندارىن پايدالاناتىندارىڭ ايدان انىق، ولاي بولسا نەگە تومەندەگى ماسەلەردى الدىن الا شەشپەدىڭدەر:
1. كيسلورود بالوندارىن اۋرۋحانا ەسەبىنەن الدىن الا ساتىپ الىپ، ولاردىڭ كۇندەلىكتى تۇردە اۋامەن تولتىرىلىپ، توقتاماي كەلىپ تۇرۋىن قامتاماسىز ەتۋ. قازىر بىلدەي وبلىستىق اۋرۋحانا قايىرشى قۇساپ كاسىپكەرلەردىڭ بالوندارىنا قاراپ وتىرسىڭدار، ولار كيسلورود اكەلمەگەندە نە بولاتىن ەدى؟ ويلاۋ قورقىنىشتى.
2. بالونداردى دالادان ىشكە كىرگىزىپ، ناۋقاستارعا ۋاقتىلى جەتكىزىپ تۇراتىن جالاقى تولەنەتىن رابوچيلار الۋ.
ولاردىڭ گرافيگىن 6 ساعات سايىن اۋىسىپ تۇراتىن قىلۋ. سەبەبى جۇمىس اۋىر جانە باسقالارىنا قاراعاندا ۆيرۋس جۇقتىرۋ قاۋپى جوعارىراق (مىسالى باللون تاسىعاندا اۋا وتكىزبەيتىن كيىمنەن تەرىڭىز كوزىڭىزگە قۇيىلادى، ونى سۇرتەسىز)
3. كيسلورودنىي باللوندارعا كوپتەپ رەدۋكتورلار الىپ قويۋ. وسىعان دەيىن رەدۋكتورلاردى ءبىزدىڭ ەرىكتىلەر ءوز اقشالارىنا الىپ ءجۇردى.
4. ءاربىر بولىمگە جۇمىس ۇيىمداستىرۋشى كوورديناتورلار تاعايىنداۋ، مىندەتتى تۇردە مەديتسينالىق ءبىلىمى بولۋى شارت ەمەس. ول ادام بالونداردىڭ كيسلورودپەن تولتىرىلىپ اكەلۋىن، ولاردى تاسيتىن جىگىتتەردىڭ جۇمىسىن ۇيىمداستىرىپ، باقىلاپ جانە رەدۋكتور سياقتى كەرەك جاراقتىڭ ۇزبەي جەتكىزىلىپ تۇرۋىن قامتاماسىز ەتۋى ءتيىس.
5. ءتۇن مەزگىلىندە دەجۋرنىي دارىگەر تاپپايسىز، ال اۋرۋلار ادەتتە تۇندە قىسىلادى. سوندىقتان تۇنگى سمەنگە ۆراچتاردى كوبەيتۋ.
قيىن با؟ جوق. كوپ مي كەرەك پە؟ جوق.
ال سىزدەر بۇلاردىڭ ءبىرىن دە جاساماعانسىزدار!!!
سىزدەر مىسالى 90 كگ اۋىر باللونداردى جوعارىعا تاسۋدى، ناۋقاسقا 32-لىك گاەچنىي كىلتپەن جالعاۋدى، بوساعان بالونداردى تومەنگە ءتۇسىرۋدى ورىمدەي جاس مەدبيكەلەردىڭ مويىندارىنا ىلە سالعانسىزدار. قالاي عانا داتتەرىڭ باردى بۇعان؟ مەن، سپورتپەن شۇعىلداناتىن مىعىم جىگىت قازىر شارشاپ تالىپ وتىرمىن، 12 ساعات بالون تاسۋدان! مۇمكىن 3 مەدبيكە جابىلىپ ءجۇرىپ جوعارىعا ءبىر بالون اكەلدى دەلىكشى، ال قالعان ناۋقاستار شە؟ ولە مە؟ ول جەردەگى ناۋقاستاردىڭ كوبىنىڭ كيسلورودنىي بالونسىز 5 مينۋت وتىرا المايتىنىن بىلمەيسىزبە؟
بۇگىن مىسالى جانساقتاۋ بولىمىنە قارت اجەي ءتۇستى، دارىگەرلەر دەرەۋ قۇتقارۋ شارالارىن باستاپ كەتتى. كەنەتتەن اجەي دەمالىپ جاتىرعان ورتالىق كيسلورود جۇيەسىندە قىسىم ازايىپ كەتىپ، اجەي دەم الا الماي قالدى. ءبىر عانا امال قالدى- كيسلورودنىي بالونعا قوسۋ. قوسايىن دەسەم بالون بار، رەدۋكتور جوق. دەرەۋ شارۋاشىلىق بولىمىنە سوعىپ رەدۋكتور جەتكىزۋىن سۇرادىق، ال ولار قويمانى كىلتتەپ كەتىپ قالعان (!) اجەي اۋا جەتپەي قينالىپ جاتىر، نە ىستەيمىز؟ مەن بىرنەشە ءجۇز مەتردەگى باسقا عيماراتقا جانتالاسىپ جۇگىرىپ بارىپ، ءوزىم بۇرىن كورىپ كەتكەن رەدۋكتوردى الىپ كەلىپ جالعادىم، اجەي ءبىر ولىمنەن قالدى-اۋ دەيمىن. ال قويمادا رەدۋكتور تولىپ تۇر (!)
ەندى ويلاپ كورىڭىزدەرشى قانشاما ادام وسىنداي ۇيىمداستىرۋدىڭ ناشارلىعىنان اۋا جەتپەي ءولىپ جاتۋلارى مۇمكىن؟؟؟؟ ال بۇل مەنىڭ تەك ءبىر تۇندە كورگەنىم!
ەندى بىزگە، ياعني ەرىكتىلەرگە كەلەيىك.
ءبىز قازىر 2 جىگىت كۇندىز، 2 جىگىت تۇندە 12 ساعاتتان اۋىسىپ جاساپ ءجۇرمىز (كيسلورودنىي بالون تاسۋ، جالعاۋ).
ەلەستەتىپ كورىڭىز كۇن سايىن وتتەگى بالونىن اۋا وتكىزبەيتىن كيىممەن دەمالماستان 12 ساعات تاسۋدى. ەندى قالاي ويلايسىز ءبىز ەندى قانشا كۇن شىدايمىز؟ 5 كۇن؟ 10 كۇن؟ ال رەسمي اقپاراتقا سەنسەك كوۆيد ءالى بىرنەشە ايعا سوزىلماق. جانە مىسالى جاقىندا مەنىڭ كەزەكتى ۆاحتام باستالادى، دەمەك مۇلدەم ەرىكتى بولىپ جاساي المايمىن. سوندا مەن كيسلورود اپارىپ جۇرگەن ناۋقاستار نە بولادى؟ تۇنشىعىپ ولەمە؟
قانشاما ۇندەۋلەر، جينالىستار، ستاتيستيكالار، ءبارى جاقسى دەگەن اقپاراتتار.... ال ءىس جۇزىندە اجەي رەدۋكتور جوقتان ءولىپ كەتە جازدادى!
جوعارىدا جازعاندارىمدى قورىتىندىلاي كەلە ايتارىم، سىزدەر قاڭتاردان بەرى كوۆيدقا ەمەس، "دارىگەرلەردىڭ كوڭىل كۇيىن كوتەرەتىن" ساليۋتقا دايىندالعانسىزدار!
جانە بىرنەشە كۇن ورتاسىندا بولعان ادام رەتىندە استىن سىزىپ ايتارىم - دارىگەرلەر مەن مەدبيكەلەر، سانيتاركالار ءوز جۇمىستارىن جانكەشتىلىكپەن اتقارۋدا، بۇكىل پروبلەما ۇيىمداستىرۋدى بىلمەيتىن باسشىلاردا!
ەڭ بولماسا دەرەۋ مەنىڭ جوعارىدا جازعان ءىس-شارالارىمدى جاساڭىزدار، قانشاما ادام ولىمنەن امان قالادى!
بۇل سالاعا ەندى سوۆوكتىق ستاتيستتار ەمەس، كريزيس مەنەدجەرلەر كەرەك.
P.S. وكىنىشكە وراي ءبىزدىڭ ەلدە بۇنداي اۋرۋحانالار كوپ شىعار.
ايتپاقشى، پالاتالارعا اۋا سالقىنداتقىشىن قويىڭىزدار قاپىرىق قىلماي!
جانە پوستىڭدى كەتىرشى دەگەن اڭگىمەلەر باستالدى، كەلەسىسىن بىردەن وسى جەرگە اتى-جونىمەن شىعارام.
