قر دەنساۋلىق ساقتاۋ ءمينيسترىنىڭ مىندەتىن اتقارۋشى ءلاززات اقتاەۆا جەدەل جاردەم شاقىرعان كەزدە نەلىكتەن كەلمەيتىندىگىن ءتۇسىندىرىپ بەردى، دەپ حابارلايدى قازاقپارات ءتىلشىسى.
«جەدەل مەديتسينالىق كومەك شاقىرعان كەزدە كەلمەي جاتادى. ولار شاقىرتۋلاردى ساناتقا بولەدى. 1, 2, 3 سانات - بۇل جەدەل مەديتسينالىق كومەك كورسەتۋدى تالاپ ەتەتىن جاعدايلار. ويتكەنى، دەر ۋاقىتىندا كومەك كورسەتىلمەسە، وندا ادام ومىرىنە قاۋىپ تونەدى. بۇعان قوسا، شاقىرتۋلاردىڭ 4-ءشى ساناتى بار. ول امبۋلاتوريالىق-ەمحانالىق ۇيىمدار جانىنان اشىلعان شۇعىل مەديتسينالىق كومەك بولىمشەلەرىنە شاقىرتۋلاردى باعىتتاپ وتىرادى.
ول جەردە جەدەل كومەك بريگاداسى كەزەكشىلىك ەتەدى جانە وزدەرىنىڭ اۋماقتارىنا بەكىتىلگەن حالىققا بارادى»، - دەدى ول ورتالىق كومممۋنكاتسيالار قىزمەتىندەگى بريفينگتە. وسى رەتتە مينيستر مىندەتىن اتقارۋشى ەگەر پاتسيەنت جەدەل جاردەم شاقىرتۋعا كەلۋى ءتيىس دەپ سانايتىن بولسا نە ىستەۋى كەرەكتىگىن ءتۇسىندىردى.
«ەگەر پاتسيەنت قالاي بولعاندا دا جەدەل كومەك شۇعىل جەتۋى ءتيىس دەپ سانايتىن بولسا، وندا ديسپەتچەرگە جەدەل مەديتسينالىق كومەكتىڭ بايلانىس ورتالىعىنا قوسۋىن ءوتىنۋى ءتيىس. ءبىز بايلانىس ورتالىعىنداعى ماماندار سانىن ارتتىردىق. سوندىقتان اقپارات بەرۋ مۇمكىندىگى تولىق كولەمدە كورسەتىلەدى، - دەدى ءلاززات اقتاەۆا.
