قر پرەزيدەنتى ق.توقاەۆ مىرزاعا
اشىق حات!
قازاقستاندى مىنا جاعدايدان الىپ شىعاتىن تەك ءبىر عانا جول كورىپ تۇرمىن
1) پرەزيدەنت شۇعىل تۇردە تج (توتەنشە جاعداي) جاريالاۋى كەرەك.
2) رەسپۋبليكالىق، وبلىستىق، اۋداندىق ت.ب. تج شتابتارى قۇرىلۋى كەرەك.
سول شتابتار مەملەكەتتى باسقارۋدى تولىق قولىنا الۋى كەرەك. ءتىپتى وبلىس، اۋدان باسشىلارىنا دەيىن، تولىق جەرگىلىكتى تج شتابىنا باعىنۋى كەرەك بولادى.
جەرگىلىكتى تج شتابتارىن باسقارۋعا، تۋىنداعان ماسەلەلەردى جىلدام ءارى تەرەڭ باعامداۋعا قابىلەتتى، شۇعىلدا باتىل شەشىمدەر قابىلداي الاتىن جاۋاپكەرشىلىگى جوعارى ازاماتتار تاڭدالۋى كەرەك.
3) پرەزيدەنت تج كەزىندە ەلدى زاڭدارمەن ەمەس، جارلىقتارىمەن باسقارۋى كەرەك.
تج شتابى تۋىنداعان ماسەلەلەر بويىنشا شۇعىل شەشىمدەر شىعارىپ، پرەزيدەنت سول بويىنشا ءتيىستى جارلىقتار شىعارىپ وتىرۋى كەرەك.
بۇعان دەيىنگى قولدانىستاعى زاڭدارعا تج شتابىنىڭ شەشىمدەرى ءبىر-بىرىنە قارسى كەلىپ جاتسا، وندا تج شتابىنىڭ شەشىمىمەن پرەزيدەنت جارلىعى قولدانىستاعى زاڭداردان جوعارى تۇرۋى كەرەك.
بۇل ءوز كەزەگىندە جاعدايعا بايلانىستى شۇعىل شەشىمدەر قابىلداپ، تۋىنداعان ماسەلەلەردى ەشقانداي زاڭدارعا جالتاقتاماي شۇعىل شەشىپ وتىرۋعا مۇمكىندىك بەرەدى.
4) تج شتابىنا نۇسقاۋ بەرىپ وتىراتىن، ەڭ بىلىكتى دەگەن دارىگەرلەردەن جاساقتالعان ارنايى كولەگيالىق كەڭەس قۇرىلۋى كەرەك.
ءاربىر وڭىردە كىشى كەڭەستەرىدە جۇمىس جاساۋى كەرەك. ولاردىڭ ونلاين رەجيمدە شۇعىل اقپاراتتار الماسىپ وتىرۋلارىنا تولىق جاعداي جاسالىنۋى كەرەك.
جاساعان قورتىندىلارى رەسپ.ق كەڭەستىڭ بازاسىنا جيناقتالىپ، جوعارعى كوللەگيالىق كەڭەستىڭ كۇندەلىكتى شەشىمدەرىندە پايدالانۋلارىنا مۇمكىندىگى بولۋى ءتيىس.
5) مەملەكەتتىك ءبىر تەلەارنانى تولىق تج شتابىنىڭ قۇزىرەتىنە بەرۋى كەرەك.
ول جەردە كۇندەلىكتى اتقارىلىپ جاتقان جۇمىستار مەن جارلىقتار، شەشىمدەر جايلى، دارىگەرلەردىڭ اقىل-كەڭەستەرى جايلى 24 ساعات بويى كورسەتىلۋى كەرەك.
ءاربىر وڭىردەگى جەرگىلىكتى ءبىر تەلەارنا مەن راديو تج شتابىنىڭ قۇزىرەتىنە بەرىلۋى ءتيىس.
6) "تج مەملەكەتتىك قورى" قۇرىلىپ، بۇل قوردى پرەزيدەنت تىكەلەي باسقارۋى كەرەك.
مەملەكەتتىك ساتىپ الۋ مەن تاپسىرىستار، قۇرىلىس، جول، اباقتاندىرۋ سياقتى ماقساتتارعا، بۇعان دەيىن بيۋدجەتتەن بەكىتىلىپ قويعان قارجى اعىمدارىن دەرەۋ توقتاتىلىپ، بيۋدجەت شۇعىل تۇردە قايتا قارالۋى كەرەك.
ىندەتپەن ونىڭ سالدارىمەن كۇرەسكە ارنالماعان قارجىلاردىڭ بارلىعى دەرلىك، تج شتابىنىڭ شەشىمىمەن تولىقتاي "تج قورىنا" قۇيىلۋى كەرەك.
تج شتابىنىڭ شەشىمىمەن بۇل قارجىلارعا مەملەكەتتىك اۋرۋحانالارمەن زەرتحانالارعا شەتەلدەن ءدارى-دارمەك، قۇرال-جابدىقتارمەن بىلىكتى ماماندار توبىن الدىرۋعا، ت.ب. قاجەتتىلىكتەرگە جۇمسالۋى ءتيىس.
7) تج شتابىنىڭ شەشىمىمەن "ازىق-تۇلىك قورى" قۇرىلۋى كەرەك.
اۋىل شارۋاشىلىق ونىمدەرىن ءوندىرۋشى ديحاندارعا جان-جاقتى قولداۋ جاسالىنىپ، ولارعا كەدەرگى كەلتىرۋشى كەز-كەلگەن ماسەلەنى شۇعىل شەشىپ وتىرۋى كەرەك.
8) جەرگىلىكتى قوعامنىڭ بەلسەندى ازاماتتارىنان تج شتابىمەن ءارتۇرلى باعىتتاردا بىرلەسە ارەكەت جاسايتىن توپتار جاساقتاۋ كەرەك.
بۇل توپتاردى ازىق-تۇلىك، ءدارى-دارمەك، كوررۋپتسيالىق، دەزينفەكتسيا ت.ب باعىتتارعا ءبولىپ، ولاردىڭ زاڭبۇزۋشىلىقتاردى باقىلاپ انىقتاۋ جۇمىستارىن جۇرگىزۋىنە تج شتابىنىڭ شەشىمىمەن، تىكەلەي تج شتابىنا باعىناتىن "ەرەكشە ماندات" بەرىلۋى كەرەك. كەز-كەلگەن كەدەرگى كەلتىرۋشى تۇلعا سوعىس جاعدايىنداعى زاڭمەن جازالانۋى كەرەك.
9) پارلامەنت جۇمىسىن توقتاتىپ، دەپۋتاتتاردى وڭىرلەردەگى تج شتابتارىنا كەڭەسشى-باقىلاۋشى ەتىپ جىبەرىلۋى كەرەك.
10) تج كەزىندە حالىقتىڭ نەسيەلەرى ۋاقىتشا تولىق توقتاتىلۋى كەرەك.
بۇل قينالعان حالىقتىڭ جۇيكەسىنە تۇسەتىن وراسان زور سالماقتان قۇتقارادى. ونسىزدا بانكتەردىڭ جىل سايىن ينفلياتسيا سالدارىنان كورگەن شىعىندارىن مەملەكەتتىك بيۋدجەتتەن جاۋىپ وتىرمىز. تج-دان ىندەتتى جەڭىپ شىقساق، تاعىدا مەملەكەتتىك بيۋدجەتتەن بانكتەردىڭ شىعىنىن جاۋىپ بەرەرمىز. بۇل سونشالىقتى قيىن شارۋا ەمەس.
ال اعايىن!
ازاماتتىق پارىزىم بويىنشا ءوز ۇسىنىسىمدى جازىپ وتىرمىن.
قازىرگى ەلىمىزدىڭ احۋالىنا قاراپ، وسى دۇربەلەڭنەن الىپ شىعار باسقا جولدى كورىپ تۇرعان جوقپىن. ءدال قازىر حالىق تۇرىمتاي-تۇسىمەن، قاراقان-باسىمەن كەتكەندەي بولىپ تۇر.
جوعارعى جاق قابىل السا قانەكەي!
تىم بولماسا وي قوسقانىم بولار!
رۋستەم اشەتاەۆ 87022752010
رۇستەم اشەتاەۆ، جۋرناليست، قوعام بەلسەندىسى
