پنەۆمونيا اۋرۋلارىنىڭ سانى 2020 جىلدىڭ ماۋسىمىندا وتكەن جىلمەن سالىستىرعاندا ءتورت ەسەگە وسكەن. ورتالىق كوممۋنيكاتسيالار بريفينگىندە ەلىمىزدىڭ باس سانيتار دارىگەرى ايجان ەسماعامبەتوۆا وسىنداي مالىمەت تاراتتى.
"2019 جىلدىڭ التى ايىندا پنەۆمونيادان بولاتىن ءولىم-ءجىتىم سانى 1780 بولسا، 2020 جىلدىڭ التى ايىندا - 1772. بيىلعى جىلدىڭ ماۋسىم ايىندا عانا پنەۆمونيادان بولاتىن ءولىم-ءجىتىم 628-گە جەتتى. ەگەر پنەۆمونيا اۋرۋشاڭدىعى تۋرالى ايتاتىن بولساق، بيىل وتكەن جىلدىڭ التى ايىمەن سالىستىرعاندا 55 پايىزعا ءوستى، ماۋسىم ايىندا ءوسىم ءتورت ەسەگە ءوستى", - دەدى ول.
ونىڭ ايتۋىنشا، پنەۆمونيا جاعدايلارىنىڭ وسۋىنە بايلانىستى دەنساۋلىق ساقتاۋ مينيسترلىگى مۇنىڭ سەبەبىن انىقتاۋ ماقساتىندا زەرتتەۋ جۇرگىزىپ جاتىر.
"ادىرنا" ۇلتتىق پورتالى
