قر پرەزيدەنتى ق.توقاەۆ كوروناۆيرۋس ىندەتىنىڭ تارالۋىنا قارسى شارالار قابىلداۋ جونىندەگى كەڭەستىڭ وتىرىسىن وتكىزىپ جاتىر. بۇل تۋرالى پرەزيدەنتتىڭ ءباسپاسوز حاتشىسى جاريالادى.
"قاسىم-جومارت توقاەۆ كوروناۆيرۋس ىندەتىنىڭ تارالۋىنا قارسى شارالار قابىلداۋ جونىندەگى كەڭەستە وزدەرىنە جۇكتەلگەن مىندەتتەردى شالا ورىنداعان بىرقاتار شەنەۋنىكتىڭ جۇمىسىن سىنعا الدى. وسىعان بايلانىستى مەملەكەت باسشىسى جۇمىسىنا سالعىرت قاراعانى ءۇشىن شىمكەنت قالاسىنىڭ اكىمى م.ايتەنوۆكە، اقتوبە وبلىسىنىڭ اكىمى و.ورازالينگە، پاۆلودار وبلىسىنىڭ اكىمى ءا.سقاقوۆقا جانە ۆەدومستۆوارالىق كوميسسيانىڭ توراعاسى ە.توعجانوۆقا سوگىس جاريالادى، "- دەپ جازدى بەرىك ءۋالي.
ال نۇر-سۇلتان قالاسىنىڭ اكىمى ا.كولگىنوۆكە، الماتى قالاسىنىڭ اكىمى ب.ساعىنتاەۆقا، تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى
ا.جۇماعاليەۆكە ەسكەرتۋ جاسادى.
اتىراۋ، قوستاناي جانە باتىس قازاقستان وبلىستارىنىڭ اكىمدەرىنە وڭىرلەردەگى احۋالدى رەتتەۋ قاجەتتىگىن ەسكەرتتى. اتالعان ماسەلە بارلىق وبلىستىڭ باسشىلارىنا دا قاتىستى ەكەنىن ايتتى.
"ادىرنا" ۇلتتىق پورتالى
