قازاقستان قىركۇيەك ايىندا ۆاكتسينانى ادام اعزاسىندا سىناپ كورەدى

4511
Adyrna.kz Telegram

قازاقستانداعى بيوتەحنولوگيالىق قاۋىپسىزدىك پروبلەمالارىن عىلىمي زەرتتەۋ ينستيتۋتى كوروناۆيرۋستىق ينفەكتسياعا قارسى ءۇش پلاتفورمادا 5 ءتۇرلى ۆاكتسينا ازىرلەپ جاتىر. بۇل تۋرالى جۇماداعى ۇكىمەت وتىرىسىندا ءبىلىم جانە عىلىم ءمينيسترى اسحات ايماعامبەتوۆ ءمالىم ەتتى دەپ حابارلايدى "ازاتتىق رۋحى".

«ءبىرىنشىسى – يناكتيۆاتسيالانعان ۆاكتسيناتسيا. ول حيميالىق زاتتار اسەرىنەن بەيتاراپتانعان ۆيرۋستارعا نەگىزدەلگەن. مۇنى دۇنيەجۇزىلىك دەنساۋلىق ساقتاۋ ۇيىمى تەكسەرىپ، ءوز تىزىمىنە ەنگىزدى. ەكىنشىسى – رەكومبيناتتى سۋببىرلىكتى ۆاكتسينالار، ءۇشىنشىسى – رەكومبيناتتى ۆەكتورلىق پلاتفورما نەگىزىندەگى ۆاكتسينا»، - دەدى مينيستر.

ونىڭ سوزىنشە، قازىرگى سىناقتار «ءساتتى ءوتىپ جاتىر». 15 مامىردا كانديداتتىق يناكتيۆاتسيالانعان ۆاكتسينا تىشقاندارعا ەگىلىپ، قاۋىپسىزدىگى مەن يممۋنوگەندىگى تەكسەرىلگەن.

«10-23 ماۋسىم ارالىعىندا ۆاكتسينانىڭ ۋىتتىلىعى مەن اللەرگيالىق قاسيەتتەرى زەرتتەلدى. ماۋسىم-شىلدە ايلارىندا جانۋارلارعا – پريماتتارعا ەگىلىپ، ءارى قاراي ۆاكتسينانىڭ يممۋنوگەندىگى زەرتتەلىپ، قىركۇيەك ايىندا كلينيكالىق زەرتتەۋگە كوشۋ جوسپاردا بار»، - دەدى ايماعامبەتوۆ ءوز بايانداماسىندا.

پىكىرلەر