قازاقستان رەسپۋبليكاسى ءماجىلىسىنىڭ توراعاسى نۇرلان زايروللاۇلى نىعماتۋللين كوروناۆيرۋس ينفەكتسياسىنا بايلانىستى وقشاۋلاندى. بۇل تۋرالى ءماجىلىستىڭ ءباسپاسوز قىزمەتى مالىمدەدى.
«ەلجان ءبىرتانوۆتىڭ سىناما قورىتىندىسى وڭ ناتيجە بەرگەننەن كەيىن، ونىمەن بايلانىستا بولعان نىعماتۋللين دە 16-ماۋسىم كۇنى تەست تاپسىردى. وكىنىشكە وراي، قورىتىندى وڭ ناتيجە كورسەتتى. دياگنوزى – سيمپتومسىز كوروناۆيرۋس ينفەكتسياسى. ول وقشاۋلانعانىمەن قاشىقتىقتان جۇمىس ىستەۋىن جالعاستىرىپ وتىر. ال 17-ماۋسىمعا جوسپارلانعان ءماجىلىستىڭ پلەنارلىق وتىرىسىن ونىڭ ورىنباسارى وتكىزەدى»، - دەپ حابارلاندى.
ءباسپاسوز قىزمەتىنىڭ مالىمەتىنشە، نىعماتۋللين ەشكىممەن بايلانىسقا تۇسپەي، قاشىقتىقتان جۇمىس ىستەگەن. ونىڭ وقشاۋلانۋىنا 9 جانە 11-ماۋسىمداعى «حالىق دەنساۋلىعى مەن دەنساۋلىق ساقتاۋ جۇيەسى تۋرالى» زاڭ جوباسىن تالقىلاۋ كەزىندە ەلجان بىرتانوۆپەن كەزدەسۋى سەبەپ بولىپتى.
