مينيستر ءبىرتانوۆ كوروناۆيرۋس جۇقتىردى

3536
Adyrna.kz Telegram

دەنساۋلىق ساقتاۋ ءمينيسترى  ەلجان ءبىرتانوۆ كوروناۆيرۋس جۇقتىرىپ، اۋرۋحاناعا ءتۇستى.

دوستار، وزدەرىڭىزگە جاعىمسىز جاڭالىق جەتكىزۋىمە تۋرا كەلىپ وتىر. كوروناۆيرۋسكە تاپسىرعان سوڭعى تەستتىڭ ناتيجەسى ناشار شىقتى، مەنەن دە اۋرۋ انىقتالدى. وكىنىشكە قاراي، مەندەگى سيمپتومسىز فورما ەمەس، سوندىقتان جۇقپالى اۋرۋلار اۋرۋحاناسىندا جاتىرمىن.

سانيتارلىق شارالاردى قاتاڭ ساقتاعانىما قاراماستان، بۇل ىندەت مەنى دە اينالىپ وتپەدى. اسىرەسە،  قاشىقتان، ۇيدە وتىرىپ  جۇمىس ىستەي المايتىن قىزمەتكەرلەرگە قيىن. سوڭعى كۇندەرى بىرقاتار وڭىردە، ونىڭ ىشىندە كاسىپكەر، كاسىپورىن، مەديتسينا ماماندارى، مەملەكەتتىك، باق قىزمەتكەرلەرى اراسىنان ىندەت جۇقتىرعاندار قاتارى ارتۋدا.

قازاقستانداعى جاھاندىق داعدارىس پەن پاندەميا سالدارىنان پايدا بولعان پروبلەمالاردى شەشۋ ءۇشىن قازىر كوپتەگەن ازامات قارقىندى جۇمىس ىستەۋدە. بىزگە ءجيى جەكە كەزدەسۋلەرگە بارۋعا، ايماقتارعا ىسساپارعا شىعۋعا تۋرا كەلەدى، مۇنداي جاعدايدا، ارينە، COVID-19 جۇقتىرۋ قاۋپى دە جوعارى. سوندىقتان،  بارشا قازاقستاندىقتان  «جەكە كارانتين» ەرەجەلەرىن قاتاڭ ساقتاۋدى سۇرايمىن.

دوستار، اۋرۋدىڭ الدىن الۋ شارالارىنا مۇقيات ءمان بەرىڭىزدەر. السىزدىك بايقالسا، باسىڭىز، تاماعىڭىز اۋىرسا، دەنە قىزۋىڭىز كوتەرىلسە - دەرەۋ دارىگەرگە حابارلاسىڭىزدار. اباي بولىڭىزدار!  بارشاڭىزعا زور دەنساۋلىق تىلەيمىن!»، - دەپ جازدى Facebook پاراشاسىندا.

 

"ادىرنا" ۇلتتىق پورتالى

پىكىرلەر