قازاق كۇرەسىنەن "الەم بارىسى" ءتۋرنيرىنىڭ ەكى دۇركىن، الەم بىرىنشىلىگىنىڭ ءۇش دۇركىن، حالىق قوشەمەتىنە يە بولعان "قازاقستان بارىسى" ءتۋرنيرىنىڭ ەكى دۇركىن، ازيانىڭ بىرنەشە دۇركىن جەڭىمپازى ايبەك نۇعىماروۆ كوروناۆيرۋس ينفەكتسياسىن جۇقتىرعان. بۇل تۋرالى سەمەي قالالىق اكىمدىگى حابارلادى.
بۇگىن سەمەيدە COVID 19 دياگنوزىمەن اۋرۋحانانىڭ جۇقپالى اۋرۋلار بولىمىندە سەمەي كوللەدجىنىڭ بىردەن ەكى ديرەكتورى تۇسكەنى بەلگىلى بولدى، ولاردىڭ ءبىرى - سەمەي كولىك كوللەدجىنىڭ ديرەكتورى، قازاقشا كۇرەستەن ءۇش دۇركىن الەم چەمپيونى جانە "الەم بارىسى" ءتۋرنيرىنىڭ ەكى دۇركىن جەڭىمپازى ايبەك نۇعىماروۆ، دەپ جازدى قالا اكىمى ينستاگرام پاراقشاسىندا.
Covid-19 ينفەكتسياسىنا شالدىققاننىڭ ەكىنشىسى - ەلەكتروتەحنيكالىق كوللەدجدىڭ ديرەكتورى ازات سارپەكوۆ.
ەلىمىزدە سوڭعى كۇندەرى اتى جامان اۋرۋدى ەلگە بەلگىلى تۇلعالاردىڭ جۇقتىرۋى بايقالادى.
"ادىرنا" ۇلتتىق پورتالى
