كوروناۆيرۋس ينفەكتسياسى ادامنان ادامعا اۋا ارقىلى جوتەلگەندە، تۇشكىرگەندە جانە سويلەگەندە جۇعادى.
سونداي-اق ناۋقاس پايدالانعان تۇرمىستىق زاتتاردان، اۋادان جانە تاماق ونىمدەرىن پايدالانۋدان جۇعادى. ىندەتتىڭ قىسقا ۋاقىتتا كوپ ادامعا جۇعاتىنىن ەسكەرە وتىرىپ، ءار ازامات ءوزى ساقتانسا، ۆيرۋستىڭ قورشاعان ورتاعا تارالۋىنا توسقاۋىل بولار ەدى.
ساقتانۋدىڭ جولى قانداي؟
ەڭ اۋەلى مەديتسينالىق ماسكا كيىپ ءجۇرۋ جانە ونى ءجيى اۋىستىرىپ تۇرۋ قاجەت. مۇمكىندىگىنشە ادام كوپ جينالاتىن جەرلەرگە بارماۋعا تىرىسىڭىز. اۋرۋ بەلگىلەرى بار ادامدارعا جاقىنداۋ – ءسىزدىڭ دەنساۋلىعىڭىزعا دا قاۋىپ توندىرەدى.
كەز كەلگەن قوعامدىق ورىننان كەلگەننەن كەيىن جانە تاماقتانۋ الدىندا قولدى كىر سابىنمەن جۋىپ، ۇنەمى انتيسەرتيك قۇرالىن ءجيى قولدانۋ كەرەك. سونىمەن قاتار، ساۋدا جاساعاندا تولەم كارتالارىن پايدالانعانىڭىز دۇرىس. ينفەكتسيا اقشا ارقىلى دا تارالاتىنىن ەسكەرىڭىز.
بۇگىندە ەلىمىز بويىنشا ۆيرۋس جۇقتىرعاندار سانى 13 558 جەتتى. 8531 ەمدەلىپ شىقسا، 67 ادام قايتىس بولدى. ال شىمكەنت قالاسىندا ىندەتتى جۇقتىرعاندار – 1022 ادام.ەگەر ءار ازامات كارانتين تارتىبىنە باعىنباي، ساقتىق شارالارىن ساقتاماسا جوعارىدا كەلتىرىلگەن تسيفرلار ەكى نەمەسە ءۇش ەسەگە ارتۋى مۇمكىن.
شىمكەنت
