پارلامەنت ءماجىلىسىنىڭ دەپۋتاتى، الەۋمەتتىك-مادەني دامۋ كوميتەتىنىڭ مۇشەسى بەكبولات تىلەۋحان كوروناۆيرۋس جۇقتىرعانىن مالىمدەدى.
"قادىرلى اعايىن! سوڭعى كۇندەرى كوپ ازاماتتار دەنساۋلىعىما الاڭداۋشىلىق ءبىلدىرىپ، حابارلاسىپ جاتىر. الەمدىك پاندەميا سالقىنى ماعان دا ءتيدى. كوروناۆيرۋسقا تاپسىرعان تەست وڭ ناتيجە كورسەتتى. الدىمەن ءۇي جاعدايىندا ەم قابىلداپ باستاعان ەدىم. قازىر اۋرۋحانادا دارىگەرلەردىڭ تولىق باقىلاۋىندامىن. ءتيىستى ەم شارالارىن قابىلداپ جاتىرمىن. دارىگەرلەر اتاعان COVID-19 سيمپتومدارىن باستان وتكەرۋدەمىن. قازىر ۆيرۋستىڭ تارالۋ ىقتيمالدىعى ارتتى. سوندىقتان ازاماتتاردى ساقتىق شارالارىن قاتاڭ ساقتاۋعا شاقىرامىن. توتەنشە جاعداي رەجيمى اياقتالعانىمەن، كارانتين ءالى بىتپەدى. امان بولايىق!" دەپ جازدى ول ءوزىنىڭ Instagram پاراقشاسىنا.
"ادىرنا" ۇلتتىق پورتالى
