توقاەۆ: "ەكىنشى تولقىنعا دايىن بولۋىمىز كەرەك"

پرەزيدەنت قاسىم-جومارت توقاەۆ قازاقستاندا كوروناۆيرۋستىڭ ەكىنشى تولقىنىنا دايىن بولۋدى تاپسىردى، - دەپ حابارلايدى Tengrinews.kz .

"مەن وسىعان دەيىن ايتقانىمداي، ءبىز كوروناۆيرۋستىڭ ەكىنشى تولقىنىنا دايىن بولۋىمىز كەرەك. جاعداي ۋشىعىپ جاتىر، ءبىزدىڭ ەلدە دە، باسقا ەلدەردە دە قاۋىپتى ينفەكتسيا انىقتالىپ جاتىر. (...) سانيتارلىق-ەپيدەميولوگيالىق قىزمەتتىڭ جۇمىسىن كۇشەيتۋ كەرەك", - دەدى توقاەۆ  ۇلتتىق قوعامدىق سەنىم كەڭەسىنىڭ وتىرىسىندا.

ايتا كەتەيىك، بۇگىندە قازاقستاندا كوروناۆيرۋس جۇقتىرعانداردىڭ سانى 9304-كە جەتتى، 4613 ادام ايىعىپ، 37 ادام قايتىس بولدى.