قازاقستاندا كوروناۆيرۋس جۇقتىرعاندار سانى 6969 ادامعا جەتتى. باس سانيتار ا.ەسماعامبەتوۆا سوڭعى اپتاداعى ۆيرۋس جۇقتىرۋدىڭ قارقىنى 15 پايىزعا وسكەنىن ايتتى. ونىڭ مىناداي وزىندىك سەبەپتەرىن كەلتىردى:
ءبىرىنشى، تەستىلەۋ كولەمىنىڭ ءوسۋى. ناۋرىز ايىمەن سالىستىرعاندا كۇندەلىكتى تەستىلەۋ سانى 6 مىڭنان 23 مىڭعا كوبەيگەن. ياعني، ادامداردى تەكسەرۋ جۇمىسىنىڭ ارتۋىمەن بايلانىستى.
ەكىنشى، جۇمىس ورىندارىندا قىزمەتكەرلەردىڭ ۆيرۋستى جاپپاي جۇقتىرۋى. مۇندا سانيتارلىق تالاپتاردىڭ ساقتالماۋىنان.
ءۇشىنشى سەبەبى – ناۋقاستاردىڭ مەديتسينالىق كومەككە وزدەرىنىڭ جۇگىنۋى.
"سوڭعى كۇندەرى كوروناۆيرۋس سيمپتومدارى بار ناۋقاستاردىڭ كوبىسى دارىگەرلەرگە وزدەرى جۇگىنگەن. ءبىر اپتا ىشىندە ولاردىڭ سانى 40 پايىزعا ارتقان. اسىرەسە، نۇر-سۇلتان، الماتى قالالارى مەن پاۆلودار، اقتوبە، قوستاناي وبلىستارىنىڭ تۇرعىندارى مەديتسينالىق كومەككە وزدەرى جۇگىنگەن", - دەدى باس دارىگەر.
ايتا كەتەيىك، ايجان ەسماعامبەتوۆا جاڭا قىزمەتكە كەلگەلى مالىمەتتەرىن ورىس تىلىندە بەرىپ، جۋرناليستەر تاراپىنان سىنعا ۇشىراپ كەلە جاتىر. باس سانيتار بۇل سىننان ناتيجە شىعارۋعا اسىعار ەمەس.
"ادىرنا" ۇلتتىق پورتالى
