بۇگىن بۇكىل ەلىمىزدىڭ اۋماعىنداعى توتەنشە جاعداي رەجيمى اياقتالدى.
بۇل تۋرالى قر پرەزيدەنتى قاسىم-جومارت توقاەۆ توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ قورىتىندى وتىرىسىندا ايتتى، – دەپ جازدى پرەزيدەنتتىڭ ءباسپاسوز حاتشىسى بەرىك ءۋالي Facebook-تەگى پاراقشاسىندا.
«بۇگىن بۇكىل ەل اۋماعىنداعى توتەنشە جاعداي رەجيمى اياقتالدى. الايدا، كەيبىر ايماقتاردا دەرتتىڭ تارالۋى باسەڭدەمەي وتىر. ىندەت تولىعىمەن جويىلىپ كەتكەن جوق. پاندەميا حالىقتىڭ دەنساۋلىعىنا ءالى دە قاۋىپتى. سوندىقتان كارانتيندىك شەكتەۋلەر ءار وڭىردەگى جاعدايدىڭ جاقسارۋىنا قاراي بىرتىندەپ الىنادى»، – دەدى مەملەكەت باسشىسى.
