فرانتسيا پارلامەنتى ەلدە توتەنشە جاعداي رەجيمىن شىلدەنىڭ 10-ىنا دەيىن ۇزارتۋ تۋرالى زاڭ جوباسىن ماقۇلدادى، - دەپ حابارلايدى "حابار 24".
دەرەككوز مالىمەتىنشە، وسىعان دەيىن قۇجات فرانتسيا سەناتىندا داۋىسقا سالىنعان بولاتىن. ونى 252 پارلامەنت مۇشەسى قولداسا، 87 دەپۋتات قارسى شىققان.
ايتا كەتەيىك، جالپى فرانتسيادا پاندەمياعا بايلانىستى توتەنشە جاعداي رەجيمى ناۋرىزدىڭ 24-ءى باستالعان بولاتىن. ەلدە بۇگىندە كوروناۆيرۋس جۇقتىرعانداردىڭ سانى 139 مىڭنان اسقان، ال قايتىس بولعانداردىڭ سانى 26 مىڭنان اسادى.
