«قازىر كوروناۆيرۋستان ايىققان اقساقال وبلىستىق كارديولوگيالىق ديسپانسەرىنە ورنالاستىرىلدى» دەپ حابارلايدى اتىراۋ وبلىسىندا توتەنشە جاعداي رەجيمىن قالىپتاستىرۋ جونىندەگى شۇعىل شتاب.
اتىراۋ وبلىسى دەنساۋلىق ساقتاۋ باسقارماسى باسشىسىنىڭ مىندەتىن اتقارۋشى گۇلنافيس تاڭباەۆانىڭ ايتۋىنشا، 82 جاستاعى ەمدەلۋشى وبلىستىق كارديولوگيالىق ديسپانسەرىنە جاتقىزىلدى.
«ەكى جاقتى پنەۆمونيا، ياعني، وكپەنىڭ قابىنۋىن تۋدىرعان كوروناۆيرۋس ينفەكتسياسى ناۋقاستىڭ جۇرەك قان تامىرلارىنداعى يشەميالىق اۋرۋىن قوزدىرىپ جىبەردى. قازىرگى تاڭدا ناۋقاس كارديوستيمۋلياتور اپپاراتىنا قوسىلۋلى» دەدى گۇلنافيس تاڭباەۆا.
قازىرگى كەزدە ناۋقاس ءتيىستى ەم قابىلداپ جاتىر. اريتمولوگتار مەن كارديولوگتاردىڭ باقىلاۋىندا.
"ادىرنا" ۇلتتىق پورتالى
