2008 جىلعى نوبەل سىيلىعىنىڭ لاۋرەاتى، فرانتسۋز ۆيرۋسولوگى ليۋك مونتانەر كوروناۆيرۋس لابوروتوريادا جاسالىپ شىققان دەيدى. فرانتسۋزدىق Pourquoi Docteur پورتالىنا بەرگەن سۇحباتىندا ول COVID-19 قۇرامىندا ايۆ بولشەكتەرى بار ەكەنىن اتاپ ءوتتى، - دەپ حابارلايدى «يزۆەستيا» .
مونتانە كوروناۆيرۋستىڭ جابايى جانۋارلاردان ادامعا جۇققانى تۋرالى اقپاراتتى ادەمى اڭىز دەپ اتادى. ونىڭ ايتۋىنشا، ۆيرۋس ۋحان لابوراتورياسىندا جاسالعان.
ۆيرۋس 2000-شى جىلداردىڭ باسىنان باستاپ دامىدى، - دەگەن مونتانەردىڭ ءسوزىن CNews جاريالاعان بولاتىن. مونتانەر ۆيرۋستىڭ گەنومىن زەرتتەپ، ونىڭ ادامنىڭ يممۋن تاپشىلىعى ۆيرۋسىمەن بايلانىسىن انىقتاعان العاشقى ادام ەمەس. بۇرىن وسىعان ۇقساس زەرتتەۋدى ءۇندى عالىمدارىنى ءبىر توبى جاريالاعان بولاتىن. مۇمكىن بۇل سپيد-تەن قورعايتىن ۆاكتسينا جاساۋ كەزىندە پايدا بولعان ۆيرۋس شىعار، دەيدى عالىم.
COVID-19 العاشقى پاتسيەنتى ۋحانداعى زەرتحانادا جۇمىس ىستەگەن
Euronews-ءتىڭ حابارلاۋىنشا، اقش بارلاۋ اگەنتتىكتەرى جاڭا كوروناۆيرۋستىڭ ۋحانداعى قىتايلىق زەرتحانادان بۇكىل الەمگە تارالۋى مۇمكىن دەگەن نۇسقاسىن تەكسەرىپ جاتىر. پرەزيدەنت ترامپ قىتايدىڭ ينفەكتسيا تۋرالى بارلىق اقپاراتتى اشپاعانىن ايتتى.
16 ساۋىردە ءسىم-ءنىڭ رەسمي وكىلى چجاو ليتسزيان، ۆيرۋستىڭ جاساندى شىعۋ مۇمكىندىگى تۋرالى جاريالانىمدارعا تۇسىنىكتەمە بەرىپ، بۇل تەوريانىڭ دالەلدەرى جوق ەكەنىن ايتتى. سونىمەن قاتار، كوپتەگەن بەدەلدى دارىگەرلەر بۇل پىكىرمەن كەلىسپەيدى، دەپ اتاپ ءوتتى ديپلومات.
«جاڭا كوروناۆيرۋستىڭ پايدا بولۋى مەن تارالۋ جولدارىنا قاتىستى قىتايدىڭ ۇستانىمى ايقىن: ءبىز بۇل عالىمدار مەن تاجىريبەلى دارىگەرلەردىڭ كاسىبي كوزقاراسىن تالاپ ەتەتىن تازا عىلىمي ماسەلە ەكەندىگىنە سەنىمدىمىز. ددۇ باسشىسى ۆيرۋستىڭ زەرتحانالىق شىعۋ تەگى تۋرالى دالەلدەردىڭ جوقتىعىن بىرنەشە رەت اتاپ ءوتتى»، - دەدى ءسىم وكىلى.
مونتانە 2008 جىلى ، قازىر ۆيچ دەپ اتالاتىن LAV (ليمفادەنوپاتيامەن بايلانىستى ۆيرۋس) دەپ اتالاتىن ۆيرۋسقا قاتىستى جاساعان زەرتتەۋلەرى ءۇشىن نوبەل سىيلىعىنا يە بولدى. سىيلىق عىلىمي قاۋىمداستىقتا ەكى جاقتى باعالاندى، ويتكەنى شامامەن سول ۋاقىتتا امەريكاندىق روبەرت گاللو سول ۆيرۋستى تاپتى. سونىمەن قاتار، 2017 جىلى فرانتسيا عىلىم اكادەمياسىنىڭ 100 مۇشەسى مونتانەنىڭ ۆاكتسيناتسياعا قارسى مالىمدەمەسىن سىنعا الىپ، مەديتسينالىق كەڭەستىڭ وعان سانكتسيالار قولدانۋىن تالاپ ەتتى.
"ادىرنا" ۇلتتىق پورتالى
