تۇماۋ جۇقتىراتىن باكتەريالار سارىجاعال ستافيلوكوكك نەمەسە كولي ىدىستارى ت.ب بۇيىمداردىڭ سىرتىنا جۇققان جاعدايدا 4-5 تاۋلىك جويىلماي تۇرا الادى.
ال مىس بۇيىمدار مۇنداي ۆيرۋستاردى بىرنەشە مينۋتتىڭ ىشىندە جويىپ جىبەرەدى. ەستەرىڭىزدە بولسا بۇرىنعى اپالارىمىز مىس بۇيىمنان بىلەزىك، جۇزىك تاعىپ، دەنساۋلىعىن كۇتەتىن. سول سياقتى مۇسىلمانشىلىقتىڭ ادەبى بۇزىلماعان ەلدەردە، بارلىق دارەت قۇرالدارى مىستان جاسالىناتىن بولعان. وعان قازىرگى تاڭدا مۋزەيلەردە تۇرعان مىس قۇماندار مەن لەگەندەر دالەل بولماق.
مىستىڭ حيميالىق قاسيەتىن ۇزاق ۋاقىت زەرتتەۋمەن اينالىسقان ساۋتحەمپتون ۋنيۆەرستەتىنىڭ پروفەسسورى بيلل كەەۆيل «مىس ۆيرۋستى دەرەۋ جوياتىندىقتان ونىڭ مۋتاتسيالانۋىنا جول بەرمەيدى، ويتكەنى مىستىڭ سىرتىنداعى يوندى قاباتى جويعىش قابىلەتكە يە. سوندىقتان ەمحانالارداعى بارلىق تۇتىنۋ قۇرالىن مىستان جاساعان دۇرىس» دەيدى.
بۇنداي ويدى 1983 جىلى پيتتسبۋرگ قالاسىندا ورنالاسقان حاموت زەرتتەۋ ورتالىعىندا تاجىريبە جاساعان دارىگەر فيلليس ج.كۇن اتتى ماماندا ايتقان بولاتىن.
اقش قازىر تازا سۋدى مىس ىدىسپەن تاسيتىن تارتىپكە كوشتى. مىستىڭ وسىنداي قاسيەتى كوروناۆيرۋستى دا جويۋ قابىلەتىنە يە ەكەن. بۇل اقپارات ءبىر-ەكى كۇن بۇرىن ZGM.mn سايتىندا جاريالاندى.
دەرەككوز: "ەگەمەن قازاقستان"
