قر ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆتىڭ ءتۇسىندىرۋى بويىنشا اتالعان 42500 تەڭگە كولەمىندەگى الەۋمەتتىك تولەمدى جۇمىس ىستەپ ءجۇرىپ (رەسمي، بەيرەسمي), توتەنشە جاعداي سالدارىنان سول تابىسىنان ايىرىلعان ادامدار الا الادى.
« – اۋەلى وزدەرىڭىز ءۇشىن – مەنىڭ جاعدايىم وسىعان جاتا ما جاتپاي ما دەگەندى شەشىپ الىڭىزدار!
ونى، ءوتىنىش بەرگەندە تومەندەگى جازبا ەسىڭىزگە تاعى دا ءبىر سالىپ قويادى. سوعان سەنىمدى بولساڭىز، – العا!
بىراق ەگەر توتەنشە جايعدايعا دەيىن جۇمىس (رەسمي، بەيرەسمي) جاساماي كەلىپ، ەندى، بەرىپ تۇرعان 42500 تەڭگە الا سالايىن دەپ بجت (ەسپ) تولەۋدىن قاجەتى جوق»، دەيدى مينيستر.
سونىمەن 42500-ءدى كىم الا الادى؟
1. جالدامالى جۇمىسكەر، ەگەر ونى اقىسىز دەمالىسقا جىبەرگەن بولسا. مەملەكەتتىك مەكەمەگە تارامايدى.
ءسىز ءۇشىن ءوتىنىشتى جۇمىس بەرۋشى وتكىزۋ كەرەك. بىراق، ەگەر جۇمىس بەرۋشىڭىز وسى كۇنگە دەيىن «ۇيىقتاپ» جاتسا، ءوزىڭىز بەرۋ مۇمكىندىگىن قاراستىرىپ قويدىق (مەكەمەنىڭ بين كورسەتۋ ارقىلى). ءسىز ەشتەڭە تولەمەيسىز. سەبەبى، ءسىز رەسمي جالدامالى جۇمىسكەرسىز.
2. جەكە تۇلعا. رەسمي جۇمىس جاساپ جۇرگەن. جەكە كاسىپكەر (يپ), نەمەسە رەسمي بجت (ەسپ) تولەپ جۇرگەن كاسىپكەرسىز. ەگەر سوڭعى 12 ايدا ءبىر عانا الەۋمەتتىك تولەم جاساعان بولساڭىز جانە مەن توتەنشە جاعداي سالدارىنان تابىسىمنان ايىرىلدىم دەپ ساناساڭىز، – العا!
جوعارىداعى ەكى مىسال بويىنشا ءسىزدىڭ زەينەتكەر، مۇگەدەك، نە جاردەماقى الۋشى بولعانىڭىز ەش كەدەرگى بولمايدى.
3. بەيرەسمي جۇمىس ىستەگەن بولساڭىز. ەڭبەك شارتىڭىز بولماعان، يپ جوق، بجت (ەسپ) تولەگەن ەمەسسىز ەشقاشان. ءسىز وسى كۇنگە دەيىن ەشقانداي زاڭدى ساقتاماي جۇمىس ىستەگەن ەكەنسىز. بىراق، توتەنشە جاعدايدا، وعان «كوزىمىزدى جۇمامىز»، سىزگە دە 42500 الۋعا بولادى.
ول ءۇشىن ءسىز ءوزىڭىز ءۇشىن شەشىڭىز – مەن شىنايى توتەنشە جاعدايعا دەيىن بەيرەسمي بولسا دا تىرشىلىك، جۇمىس جاساعانمىن دەپ! سوسىن، الدىن الا ء(بىر كۇن بۇرىن) بجت (ەسپ) ءبىر رەت تولەڭىز. كەيىن ءوتىنىشىڭىزدى بەرىڭىز، ول كەزدە سوڭعى رەت جازبانى تاعىدا وقىپ – ءيا، بەيرەسمي جۇمىس ىستەگەنىمدى راستايمىن دەپ وزىڭىزگە جاۋاپكەرشىلىك الىپ قوياسىز.
سوندا سىزدە بارلىعى ءساتتى بولادى.
بىراق، ەگەر ءسىز بەيرەسمي دە جۇمىس ىستەمەگەن بولساڭىز، توتەنشە جاعدايعا دەيىن رەسمي جۇمىس ىستەمەگەن زەينەتكەر، مەملەكەتتىك جاردەماقى بيۋدجەتتەن الۋشى بولساڭىز، سىزدەرگە، كەشىرىڭىزدەر، 42500 تەڭگە بولمايدى. كامىلەت جاسقا تولماعان بالالارعا دا بولمايدى.
بۇل جاعدايدا 42500 تەڭگە الامىن دەپ بجت (ەسپ) تولەپ اۋرە بولماي-اق قويىڭىزدار.
سەبەبى بۇل تولەمنىڭ ءمانى باسىندا ايتقانداي – جۇمىس ىستەپ ءجۇرىپ (رەسمي، بەيرەسمي), توتەنشە جاعداي سالدارىنان سول تابىسىنان ايىرىلعان ادامدار ءۇشىن.
قر ەڭبەك جانە حالىقتى الەۋمەتتىك قورعاۋ مينيسترلىگىنىڭ حابارلاۋىنشا، الەۋمەتتىك تولەمدى قاتەلەسىپ العاندار بانكتەردىڭ ءموبيلدى قوسىمشاسى ارقىلى ونى قايتارا الادى. نەمەسە مىنا رەكۆيزيت ارقىلى تولەمدى كەرى اۋدارۋعا بولادى:
42500 تەڭگەنى قايتارۋعا ارنالعان رەكۆيزيت:
بەنەفيتسيار: «ازاماتتارعا ارنالعان ۇكىمەت» ۇاق»
بەنەفيتسيار بسك: GCVPKZ2A
جسك: KZ67009SS00368609110
بسن: 160440007161
بەك: 11
تتك: 049
ەسكە سالايىق، 42500 تەڭگە كولەمىندەگى الەۋمەتتىك كومەك توتەنشە جاعداي رەجيمى ەنگىزىلگەن كەزدە تابىسى مەن جۇمىسىنان ايىرىلعان ازاماتتارعا ارنالعان.
2020 جىلعى 16 ءساۋىر، ساعات 15.00-دەگى جاعداي بويىنشا الەۋمەتتىك تولەم تاعايىندالعان 202 857 شىمكەنتتىكتىڭ 152 805-ىنە نەمەسە 75,3%-ىنا 42500 تەڭگەدەن الەۋمەتتىك تولەم تولەنگەن.
