ءىىم قىزمەتكەرى قاي وڭىردە كوروناۆيرۋس جۇقتىرعانى، قانداي قىزمەت اتقارعانى تۋرالى ناقتى ايتىلمايدى.
ىشكى ىستەر مينيسترلىگىنىڭ ءبىر قىزمەتكەرى قىزمەتتىك مىندەتتەرىن ورىنداۋ كەزىندە كوروناۆيرۋس جۇقتىردى، دەپ حابارلايدى zakon.kz. بۇل تۋرالى ارنايى بريفينگتە قر ىشكى ىستەر ءمينيسترىنىڭ ورىنباسارى يۋري يلين مالىمدەدى.
ونىڭ ايتۋىنشا، پوليتسيا قىزمەتكەرلەرى اراسىندا جاڭا ۆيرۋستى جۇقتىرۋدىڭ ءبىر راستالعان جاعدايى بار. سونداي-اق، ودان بولەك ناۋقاستارمەن بايلانىستا بولعان ىشكى ىستەر مينيسترلىگىنىڭ 530-دان استام ادامى انىقتالدى.
بۇل تەك وسى ادامنان بايلانىستا بولعاندار ەمەس. ونىڭ ىشىندە كاسىبي قىزمەت بارىسىندا جۇقتىرىپ، وتباسىلارىنا تاسىمالداعاندارى دا بار. ولاردىڭ كەيبىرەۋلەرى، شامامەن 30 ادام اۋرۋحاناعا، 80-گە جۋىعى ءۇي كارانتينىنە وقشاۋلاندى. ولاردىڭ كوپشىلىگى قازىر قايتا جۇمىسىنا شىعىپ، قىزمەتىن جالعاستىرۋدا. ەشقانداي اۋىر زارداپ شەككەندەر جوق، - دەدى يلين.
ونىڭ ايتۋىنشا، ءىىم-ءنىڭ 52 مىڭ قىزمەتكەرى پاندەميا جاعدايىندا الدىڭعى قاتاردا قىزمەت ەتۋدە. ولارعا ءبىر جالاقى تۇرىندە سىياقى تولەنەدى، جالپى سوماسى 6 ميلليارد تەڭگەدەن اسادى.
