پوليتسيا قىزمەتكەرلەرى الماتى وبلىسى اۋماعىندا اينالما جول سىزباسىن كارتادا بەلگىلەدى، - دەپ حابارلايدى Polisia.kz.
بۇگىن، 19 ناۋرىزدا ساعات 00:00-دەن باستاپ جاريالانعان كارانتين ەرەجەلەرىن ساقتاۋ، سونداي-اق، مەگاپوليستىڭ كولىك قوزعالىسىن ازايتۋدى رەتتەۋ ماقساتىندا الماتى پوليتسياسى كارتادا وبلىس اۋماعى بويىنشا قالانى اينالىپ ءوتۋ سحەماسىن بەلگىلەدى. شارتتى تۇردە تالعار اۋدانىنان قاراساي اۋدانىنا قالاي جەتۋگە بولادى جانە تاعى باسقا جولدار بويىنشا.
"تۇرعىنداردى الدىن الا جوسپارلاۋعا جانە ءوز مارشرۋتتارىن تۇزەتۋگە، تج جانە كارانتين ەرەجەلەرىن بۇلجىتپاي ۇستانۋعا شاقىرامىز. پوليتسيا قىزمەتكەرلەرىنىڭ زاڭدى تالاپتارىن ورىنداۋعا جانە كورونوۆيرۋستىق ينفەكتسيانىڭ الدىن الۋ جانە كۇرەس شارالارىنا تۇسىنىستىكپەن قاراۋىڭىزدى سۇرايمىز", - دەدى پوليتسەيلەر.
