اتىراۋدا ماسكالاردى جوعارى باعامەن زاڭسىز ساتۋ فاكتىسى انىقتالدى، دەپ حابارلايدى Tengrinews.kz قارجى مونيتورينگى كوميتەتىنىڭ ءباسپاسوز قىزمەتىنە سىلتەمە جاساي وتىرىپ.
حابارلانعانداي، جەدەل-ىزدەستىرۋ شارالارىن جۇرگىزۋ بارىسىندا قر قم قارجى مونيتورينگى كوميتەتىنىڭ اتىراۋ وبلىسى بويىنشا ەكونوميكالىق تەرگەۋ دەپارتامەنتى زاڭسىز كاسىپكەرلىك قىزمەت فاكتىسىن انىقتادى.
«قازاقستان رەسپۋبليكاسىندا توتەنشە جاعداي كەزىندە اتىراۋ قالاسىنداعى ازاماتتار توبى جالپى سوماسى 313 ميلليون تەڭگەگە 1 ميلليون دانا مەديتسينالىق ماسكالاردى ساتۋمەن اينالىسقان»، - دەلىنگەن حابارلامادا.
اتالعان فاكتى بويىنشا سوتقا دەيىنگى تەرگەۋ باستالدى. ۆەدومستۆودا مەديتسينالىق ماسكالار مەن انتيسەپتيكالىق قۇرالداردى ساتۋ كەزىندە باعانى نەگىزسىز كوتەرۋ فاكتىلەرىنىڭ كۋاگەرلەرى قر قم قارجى مونيتورينگى كوميتەتى – 8 (7172) 70-84-78, اتىراۋ وبلىسى بويىنشا ەد – 8-7122-35-42-10 سەنىم تەلەفونىنا حابارلاسا الاتىنىن ەسكە سالدى.
بۇعان دەيىن حابارلانعانداي، نۇرسۇلتان تۇرعىندار مەديتسينالىق ماسكالاردى جوعارى باعامەن ساتقانى ءۇشىن ۇستالدى. ولار 55 مىڭ دانا ماسكالار پارتياسىن ساتۋعا تىرىستى.
