ۆيرۋس قازىردىڭ وزىندە 36 مەملەكەتتە انىقتالعان.
دجونس حوپكينس ۋنيۆەرسيتەتىنىڭ عالىمدارى كوروناۆيرۋستىڭ تارالۋىنىڭ ونلاين كارتاسىن جاسادى. بۇل پايدالانۋشىلارعا جاعدايدى ناقتى ۋاقىت رەجيمىندە باقىلاۋعا مۇمكىندىك بەرەدى.
ەسكە سالايىق، ددۇ-نىڭ 2019-nCoV دەپ اتاعان جاڭا كوروناۆيرۋس قىتايدىڭ ۋحان قالاسىندا پنەۆمونيانىڭ ورشۋىنە سەبەپ بولدى، وسىدان كەيىن ول باسقا قالالار مەن ەلدەرگە دە تارالا باستادى.
26 اقپانعى جۇقتىرعانداردىڭ سانى شامامەن وتىز مىڭ ادامدى قۇراعان، ال زارداپ شەككەندەر سانى 81,000 ادامنان استى. ۆيرۋس قازىردىڭ وزىندە 36 مەملەكەتتە انىقتالعان.
عالىمدار جاساعان جاڭا اقپارات پانەلىندە ءارتۇرلى رەسمي دەرەككوزدەردەن الىنعان مالىمەتتەر كورسەتىلەدى. بۇل، ەڭ الدىمەن، دۇنيەجۇزىلىك دەنساۋلىق ساقتاۋ ۇيىمى، اقش، ەۋروپا جانە قىتاي ەلدەرىندەگى اۋرۋلاردى باقىلاۋ جانە الدىن الۋ ورتالىقتارى مەن قحر دەنساۋلىق ساقتاۋ ۇلتتىق كوميسسياسىنان الىناتىن دەرەكتەر بولىپ تابىلادى.
دۇنيەجۇزىلىك كارتادا مالىمەتتەر كورسەتىلەتىن بولادى. ۆيرۋستىق ينفەكتسيالار راستالعان جەرلەر قىزىل شەڭبەرمەن بەلگىلەنگەن، ونىڭ ديامەترى نەعۇرلىم ۇلكەن بولسا، سوعۇرلىم كوبىرەك قاۋىپ بار دەگەن ءسوز. ءولىم-ءجىتىم تىركەلگەن ايماقتار «ح» بەلگىسىمەن بەلگىلەنەدى.
پايدالانۋشى كەز-كەلگەن شەڭبەرگە باسىپ، قوسىمشا اقپارات الا الادى.
كوروناۆيرۋستىڭ تارالۋى تۋرالى دەرەكتەر جاڭا ەسەپتەر پايدا بولعان سايىن جاڭارتىلىپ وتىرادى.
كارتانىڭ وڭ جاعىندا ءار ءتۇرلى ەلدەر مەن ايماقتارداعى جۇقتىرۋدىڭ، قايتىس بولۋدىڭ جانە ادامداردىڭ اۋىرىپ قالۋىنىڭ راستالعان جاعدايلارىنىڭ سانى كورسەتىلگەن. سول جاقتا ۆيرۋستىڭ تارالۋ ديناميكاسىن كورسەتەتىن شاعىن گرافيك بار.
دەرەكتەر جاڭا ەسەپتەر تۇسكەن سايىن جاڭارتىلادى (شامامەن ساعات سايىن).
ازىرلەۋشىلەردىڭ پايىمداۋىنشا، بۇل جاعدايدا كوپشىلىككە نە بولىپ جاتقاندىعى تۋرالى ناقتى كورىنىس بەرۋ وتە ماڭىزدى. شىنىندا دا، كوپتەگەن ايماقتار ۇرەي ۇستىندە، بۇل باسقا مالىمەتتەرمەن قاتار، تەكسەرىلمەگەن اقپارات كوزدەرىنەن الىنعان جالعان اقپاراتتان دا تۋىندايدى.
ايتپاقشى، قىتايدا ينتەرنەتتە كوروناۆيرۋس تۋرالى جالعان مالىمەتتەردى تاراتقانى جانە قوعامدىق ءتارتىپتى بۇزعانى ءۇشىن ايىپتالعان ادامداردى ۇستاۋ جانە قاماۋعا الۋ جۇمىستارى قولعا الىندى.
ال بۇل جەردەن كەز-كەلگەن ادام 2019-nCoV تاراتۋدىڭ سوڭعى دەرەكتەرىن كورە الادى.
ايتپاقشى، بۇعان دەيىن Vesti.Nauka جاڭا كوروناۆيرۋس ادامدارعا جىلاننان بەرىلەتىنى تۋرالى حابارلاعان بولاتىن.
سونىمەن قاتار، بۇگىن ميحايل ميشۋستين قيىر شىعىستاعى رەسەي شەكاراسىن قورعاۋ شارالارىنىڭ ءبىرى رەتىندە شەكارانى جابۋ تۋرالى بۇيرىققا قول قويدى. سونىمەن قاتار، دەنساۋلىق ساقتاۋ مينيسترلىگى كوروناۆيرۋستى ەمدەۋگە ارنالعان ءدارى-دارمەكتەردىڭ ءتىزىمىن جاريالادى.
كوروناۆيرۋستى باقىلاۋعا ارنالعان ارنايى كارتاسى
"ادىرنا" ۇلتتىق پورتالى
