قوردايدا پوليتسەيلەرگە قول كوتەرگەن اعايىندىلار قاماۋعا الىندى

2473
Adyrna.kz Telegram

قورداي اۋدانىندا پوليتسەيلەرگە قول كوتەرگەن اعايىندىلار قاماۋعا الىندى

قورداي اۋدانىندا پوليتسەيلەرگە قول كوتەرگەن اعايىندى ۇشەۋ قاماۋعا الىندى
قورداي اۋدانىنىڭ پوليتسيا قىزمەتكەرلەرىنە قاتىستى زورلىق-زومبىلىقتى تەرگەۋ جۇمىستارى اياقتالدى، – دەپ حابارلايدى " پروكۋراتۋرانىڭ ءباسپاسوز قىزمەتى.

پروكۋراتۋرا مالىمەتىنشە، 14 اقپاندا قىلمىستىق ءىس ايىپتاۋ اكتىسىمەن قورداي اۋداندىق سوتىنا جولداندى.

«2020 جىلدىڭ 7 اقپانىندا جامبىل وبلىسى قورداي اۋدانى سورتوبە اۋىلىندا جول پوليتسياسى قىزمەتكەرلەرى پاترۋلدەۋ كەزىندە ل.ۆوينگۋيدىڭ باسقارۋىنداعى «حوندا وديسسەي» اۆتوكولىگى توقتاتىلعان. كولىككە ارنالعان قۇجاتتارى بولماعاندىقتان، ل.ۆوينگۋيعا پوليتسيا بولىمىنە بارۋ ۇسىنىلعان.
الايدا ول وفيتسەرلەردىڭ تالاپتارىن ورىنداماي، ۇيىنە قاراي بەت العان جانە كەيىننەن اعالارى ا. ۆوينگۋي جانە م. ۆوينگۋيمەن بىرلەسىپ پوليتسيا قىزمەتكەرلەرىنە قارسى زورلىق-زومبىلىق جاساعان. وسى وقيعانىڭ ۆيدەوسى بۇقارالىق اقپارات قۇرالدارى مەن الەۋمەتتىك جەلىلەردە تاراتىلعان بولاتىن»، – دەلىنگەن حابارلامادا.

اتالعان فاكتى بويىنشا باس پروكۋراتۋرانىڭ ارنايى پروكۋرورى قىلمىستىق كودەكستىڭ 380-بابىنىڭ 1-بولىگى («بيلىك وكىلىنە قاتىستى كۇش قولدانۋ») بويىنشا سوتقا دەيىنگى تەرگەۋ جۇرگىزدى.

ۆەدومستۆو مالىمەتىنشە، ءۇش ايىپتالۋشى ءوز كىناسىن تولىق مويىنداپ، تەرگەۋ سوتىمەن قاماۋعا الىندى.

بۇعان دەيىن پوليتسيا جەرگىلىكتى تۇرعىندار پوليتسەيلەرگە شابۋىل جاساعانى تۋرالى حابارلاعان بولاتىن. سول كەزدە قۇقىق قورعاۋ ورگاندارى شابۋىلعا قاتىسقان ەكى ادامدى تۇتقىندادى.

پىكىرلەر