قىتاي عالىمدارى كوروناۆيرۋستىڭ سۋرەتىن جاريالادى

543

قىتايدىڭ ۇلتتىق پاتوگەندىك ميكرواعزالار ساقتاۋ قورى جاڭا كوروناۆيرۋستىڭ ەلەكتروندى ميكروسكوپپەن تۇسىرگەن العاشقى سۋرەتىن جاريالادى. بۇل تۋرالى "ادىرنا" Massaget.kz سايتىنا سىلتەمە جاساپ، حابارلايدى. بۇل اۋرۋدىڭ تارالۋىن بولدىرماۋ جانە باقىلاۋ جونىندەگى شارالار اياسىندا تۇسىرىلگەن.

قازىرگى تاڭدا سۋرەت باق پەن الەۋمەتتىك جەلىدە جىلدام تاراۋدا. ال سوڭعى دەرەكتەر بويىنشا بۇل دەرتتەن 26 ادام كوز جۇمعان. 876 ادام جۇقتىرعاندار قاتارىندا.

جاڭا ۆيرۋس وتكەن جىلدىڭ جەلتوقسان ايىندا انىقتالعان. العاش ۋحان قالاسىندا شىققان. قازىرگى ۋاقىتتا حۋبەي پروۆينتسياسىنا قاراستى 10 قالادا قاۋىپسىزدىك كۇشەيتىلگەن. بازارلار جابىلىپ، جولاۋشىلار تاسىمالى توقتاتىلعان.

باستاپقىدا دەرت تەڭىز تاعامدارىنان تارادى دەپ ايتىلعان. ونىڭ ىشىندە قىتايلىقتار كوبىرەك جەيتىن جىلاننان شىقتى دەپ تە كۇتىلگەن. كەيىننەن ۆيرۋس ادامنان ادامعا جۇعاتىنى بەلگىلى بولدى. كوروناۆيرۋستىڭ جاڭا تۇرىمەن اۋىرعاندار جالعىز اسپان استى ەلىندە عانا ەمەس، ۆەتنام، ساۋد ارابياسى، جاپونيا، ماكاو، تايلاند جانە اقش-تا دا انىقتالدى.

پىكىرلەر