بۇگىن سەناتتاعى جۇمىس توبىنىڭ وتىرىسىندا «قۇقىق بۇزۋشىلىقتىڭ الدىن الۋ تۋرالى» زاڭعا ەنگىزىلەتىن تۇزەتۋلەر تالقىلاندى، دەپ حابارلايدى «ادىرنا» ءتىلشىسى.
ەندى ەلىمىزدە بەت-ءجۇزدى جاۋىپ تۇراتىن ماسكا، بالاكلاۆا نەمەسە كيىم ەلەمەنتتەرىن كيۋگە تىيىم سالۋ ۇسىنىلۋى مۇمكىن.
«بۇل شارا قوعامدىق ورىنداردا جاسالاتىن قۇقىق بۇزۋشىلىقتاردىڭ سانىن ازايتۋ، بەت-الپەتتى تانۋ قۇرالدارىنىڭ تيىمدىلىگىن ارتتىرۋ، قىلمىستاردىڭ الدىن الۋعا مۇمكىندىگىن كۇشەيتەتىن بولادى»،–دەدى سەناتور ناۋرىزباي بايقاداموۆ.
ايتا كەتەيىك، بۇل شەكتەۋ زاڭ تالاپتارىن ورىنداۋ ماقساتىندا، قىزمەتتىك، مەديتسينالىق ماقساتتاردا، اۋا-رايىنا بايلانىستى نەمەسە سپورتتىق جانە مادەني ءىس-شارالارعا قاتىسۋ كەزىندە كيەتىن ادامدارعا قولدانىلمايدى.
