ونىڭ ايتۋىنشا، مۇحامەدجان تازابەكتى پوليتسيا قىزمەتكەرلەرىمەن كەزدەسۋگە مامانداندىرىلعان كۇزەت باسقارماسى شاقىرعان بولۋى مۇمكىن.
قر ىشكى ىستەر مينيسترلىگى "اسىل ارنا" تەلەارناسىنىڭ ديرەكتورى مۇحامەدجان تازابەكتىڭ پوليتسيالار الدىندا وقىعان بايانداماسىنا قاتىستى تەكسەرۋدى باستادى. بۇل تۋرالى ءمينيستردىڭ ورىنباسارى الەكسەي كالايچيدي ايتتى, - دەپ حابارلايدى Tengrinews.kz.
ء"اربىر مەملەكەتتىك ورگاننىڭ اقپاراتتىق جۇمىس، ناسيحات جۇرگىزۋ جوسپارى بار. ولار ءدارىس وقۋ ءۇشىن بەلگىلى ءبىر قوعام قايراتكەرلەرىن شاقىرىپ جاتادى. ەندى ءبىز بۇل كەزدەسۋدىڭ قانشالىقتى قاجەت بولعاندىعىن، ونىڭ وتكىزىلۋ فورماتىن جانە مازمۇنىن تەكسەرىپ جاتىرمىز. سونىڭ قورىتىندىسى بويىنشا ءبىز شەشىم شىعارامىز. ال تەكسەرۋ جۇرگىزىلگەنگە دەيىن مەن بۇل ماسەلەگە قاتىستى ەشتەڭە ايتا المايمىن", - دەدى قر ىشكى ىستەر ءمينيسترىنىڭ ورىنباسارى الەكسەي كالايچيدي.
ونىڭ ايتۋىنشا، مۇحامەدجان تازابەكتى كەزدەسۋگە مامانداندىرىلعان كۇزەت باسقارماسى شاقىرعان بولۋى مۇمكىن.
الدىندا عالامتوردا تازابەكتىڭ پوليتسيالار الدىندا سويلەپ جاتقان ۆيدەوسى جاريالانعان بولاتىن. ول بەلگىلى ءبىر دەڭگەيدە جەلى قولدانۋشىلاردىڭ نارازىلىعىن تۋعىزعان. مۇحامەدجان تازابەك - "اسىل ارنا" ءدىني تەلەارناسىنىڭ باس ديرەكتورى، اقىن.
